“गरूडाचे रूप घेतलेस का?”, अनोख्या फोटोशूटमुळे सोनम कपूर झाली ट्रोल

सोनमने तिच्या इन्स्टाग्राम अकाऊंटवरून हा फोटो शेअर केला आहे. गेल्या काही दिवसांपासून सोनम Harper’s Bazaar India या मॅगझिनच्या कव्हर पेजसाठी केलेल्या फोटोशूटचे फोटो सोशल मीडियावर शेअर करताना दिसत आहे. त्यातलाच हा एक फोटो आहे. या फोटोमध्ये सोनमने सिल्क डसेज सॅटिन ड्रेस आणि ट्राउजर परिधान केलेली आहे. या लूकमध्ये ती हॉट दिसत आहे. यावरून इंडस्ट्रीमधील अनेक लोकांनी सोनमची स्तुती केली आहे. तर दुसरीकडे सोनमला नेटकऱ्यांनी प्रचंड ट्रोल केलं आहे.

ट्रोल करत एक नेटकरी म्हणाला, “काकू ही कोणती डिझाइन आहे?”, दुसरा नेटकरी म्हणाला, “गरूडाचे रूप घेतलेस का?” सोबतच सोनमला एका नेटकऱ्याने “वल्गर” म्हटलं आहे.

सोनम आणि तिचा पती आनंद अहुजा गेल्या अनेक महिन्यांपासून लंडनमध्ये आहेत. सोशल मीडियाच्या पोस्टद्वारे सोनमला तिच्या कुटुंबाची किती आठवण येते हे ती सांगत असते.