बॉलिवूड अभिनेत्री सोनम कपूर ही नेहमी तिच्या फॅशनसाठी ओळखली जाते. अभिनयासोबतच तिच्या ड्रेसिंग स्टाइलमुळे कायमच चर्चेत असते. काही दिवसांपूर्वी सोनम कपूर हिच्या डोहाळे जेवणाचा कार्यक्रम पार पडला. नुकतंच सोनम कपूरने बाळाला जन्म दिल्याची बातमी सोशल मीडियावर व्हायरल होत आहे. सध्या सोनम कपूरचा एक फोटो इंटरनेटवर व्हायरल होत आहे. यात सोनम कपूरच्या मांडीवर एक गोंडस बाळ दिसत आहे. पण या व्हायरल होणाऱ्या फोटोमागचे सत्य नुकतंच समोर आलं आहे.
सोनम कपूरने २०१८ मध्ये आनंद अहुजाशी लग्नगाठ बांधली होती. लग्नानंतर चार वर्षांनी तिने आई होणार असल्याची गुडन्यूज दिली आहे. काही दिवसांपूर्वी तिच्या डोहाळे जेवणाचा कार्यक्रम पार पडला होता. सध्या सोशल मीडियावर सोनम कपूरचा एक फोटो व्हायरल होत आहे. या व्हायरल होणाऱ्या फोटोत तिने बाळाला जन्म दिल्याचा दावा करण्यात आला आहे. यात ती तिच्या बाळाला घट्ट मिठी मारत असल्याचेही दिसत आहे.
“मला तो माझ्या भावाप्रमाणे वाटला होता पण…”; ‘अशी’ होती सोनम कपूर-आनंद आहुजाची पहिली भेट
मात्र नुकतंच हा फोटो खोटा असल्याचे समोर आलं आहे. सोनम कपूर हा फोटो मॉर्फ करण्यात आला आहे. एका दुसऱ्या फोटोसोबत छेडछाड करत हा फोटो बनवण्यात आला आहे. त्यामुळे सोनम कपूरने बाळाला जन्म दिला असा दावा करण्यात आलेला फोटो पूर्णपणे खोटा असल्याचे समोर आलं आहे.
विश्लेषण : सोनम कपूरच्या डोहाळे जेवणात बॉडीकॉन ड्रेसमुळे चर्चेत आलेला लियो कल्याण नक्की कोण?
नुकतंच सोनम कपूरने इन्स्टाग्रामवर एक फोटो शेअर केला होता. यात तिने आनंद आहुजाचा एक फोटो शेअर केला होता. मला माझ्या आवडत्या माणसाची आठवण येत आहे, असे तिने यात म्हटले होते. दरम्यान सध्या सोनम कपूरने सिनेसृष्टीतून ब्रेक घेतला आहे. ती लवकरच ब्लाइंड या चित्रपटात झळकणार आहे. यात तिच्यासोबत पूरब कोहली, विनय पाठक आणि लिलेट दुबे दिसणार आहेत. बाळ झाल्यानंतर सोनम कपूर या चित्रपटाच्या शूटींगला सुरुवात करणार आहे.
