दाक्षिणात्य सुपरस्टार राम चरणची पत्नी उपासना कामिनेनी २० जून रोजी एका गोंडस मुलीला जन्म दिला. तब्बल ११ वर्षांनी घरात बाळाचं आगमन झाल्याने सध्या संपूर्ण चिरंजीवी कुटुंबात आनंदाच वातावरण आहे. लाडक्या लेकीचं थाटामाटात बारसं करून या लोकप्रिय जोडप्याने तिचं नाव क्लिन कारा कोनिडेला असं ठेवलं. अलीकडेच राम चरण आणि उपासनाने त्यांच्या लेकीसह पहिली गणेश चतुर्थी साजरी केली. हेही वाचा : ‘तुझे मेरी कसम’ ते ‘वेड’, रितेश-जिनिलीयाचा रोमॅंटिक व्हिडीओ चर्चेत; नेटकरी म्हणाले, “दादा-वहिनी…” सुपरस्टार राम चरणने त्याच्या सोशल मीडियावर घरात गणपती बाप्पाची पूजा केल्याचे काही फोटो शेअर केले आहेत. अभिनेत्याच्या घरात बाप्पासाठी आकर्षक सजावट आणि रंगीबेरंगी फुलांची आरास करण्यात आली आहे. राम चरण आणि उपासनाने जोडीने बाप्पाची आराधना केली. यावेळी अभिनेत्याचे आई-वडील चिरंजीवी आणि सुरेखा, त्याच्या बहिणी सुश्मिता आणि श्रीजा, आजी अंजना देवी आणि कुटुंबातील इतर काही सदस्य उपस्थित होते. https://www.instagram.com/p/CxUz1dmPh8d/?utm_source=ig_web_copy_link&igshid=MzRlODBiNWFlZA== हेही वाचा : विराट-अनुष्काच्या घरी गणेशोत्सवाची तयारी, अभिनेत्रीने शेअर केलेला ‘तो’ फोटो चर्चेत अभिनेत्याने कुटुंबातील सर्व सदस्यांचे फोटो सोशल मीडियावर शेअर केले आहेत. त्याने कॅप्शनमध्ये त्याच्या सर्व चाहत्यांना गणेश चतुर्थीच्या शुभेच्या दिल्या आहेत. "आमच्या लाडक्या क्लिन कारासह आम्ही पहिला सण साजरा करत आहोत." असं त्याने कॅप्शनमध्ये म्हटलं आहे. दरम्यान, राम आणि उपासना यांनी १४ जून २०१२ रोजी लग्नगाठ बांधली होती. या लोकप्रिय दाक्षिणात्य जोडप्याने खूप विचार करून लेकीचं नाव ठेवलं आहे. क्लिन कारा कोनिडेला या नावाचा अर्थ आध्यात्मिक जागृती करणाऱ्या उर्जेचं प्रतिक असा होतो.
