डाएट बदलल्यामुळे प्रसिद्ध दाक्षिणात्य अभिनेत्याच्या पत्नीचं निधन, ४३व्या वर्षी घेतला अखेरचा श्वास

आणखी वाचा – मुलांना शाळेतून घरी आणताना सुप्रसिद्ध बॉलिवूड अभिनेत्रीच्या गाडीला अपघात, मुलगी रुग्णालयात दाखल

‘टाइम्स ऑफ इंडिया’च्या वृत्तानुसार, चेन्नईच्या रुग्णालयामध्ये काही दिवसांपासून प्रियदर्शनी या कोमात होत्या. भरत यांच्या पत्नीने पलेओ डाएट करण्यास सुरुवात केली. डाएटमध्ये बदल झाल्यानंतर प्रियदर्शनी यांच्या शरीरावर परिणाम होऊ लागला. बदलतं डाएट हेच प्रियदर्शनी यांच्या आजाराचं मुख्य कारण होतं.

गेल्या काही महिन्यांपासून त्यांच्यावर रुग्णालयामध्ये उपचार सुरु होते. उपचारादरम्यान प्रियदर्शनी यांची प्रकृती आणखीनच बिघडत गेली. ‘टाइम्स ऑफ इंडिया’ला सुत्रांनी दिलेल्या माहितीनुसार, २ नोव्हेंबर (बुधवारी) प्रियदर्शनी यांच्यावर अंतिम संस्कार होणार आहेत.

आणखी वाचा – दक्षिण कोरियातील हॅलोवीन पार्टीमध्ये झालेल्या चेंगराचेंगरीत प्रसिद्ध गायक-अभिनेत्याचा मृत्यु, २४व्या वर्षी घेतला अखेरचा श्वास

भरत कल्याण व प्रियदर्शनी यांना एक मुलगा व मुलगी आहे. भरत यांच्या पत्नीच्या निधनानंतर त्यांचं संपूर्ण कुटुंब कोलमडून गेलं आहे. तसेच दाक्षिणात्य कलाक्षेत्रामधील मंडळींनीही प्रियदर्शनी यांना श्रद्धांजली वाहिली आहे. भरत कल्याण हे दाक्षिणात्य सुप्रसिद्ध अभिनेते कल्याण कुमार यांचा मुलगा आहे. भरत यांनी आजवर अनेक मालिका तसेच चित्रपटांमध्येही काम केलं आहे.