केवळ ९८ सेकंदात 'RRR'चा शो हाऊसफुल्ल; विक्रमी तिकीटविक्री करत बॉक्स ऑफिसवर केली जबरदस्त कमाई | ss rajamouli director rrr gets housfull board in just 98 seconds at log angelis chinese theatre

बॉक्स ऑफिसवर या चित्रपटाने अभूतपूर्व असा इतिहास रचला आहे

लॉस एंजेलीसमधील चायनीज थिएटर आयमॅक्समध्ये 'आरआरआर' ९ जानेवारीला प्रदर्शित होणार आहे. (फोटो : इंडियन एक्सप्रेस)

एसएस राजामौली दिग्दर्शित ‘आरआरआर’ या चित्रपटाचं भारतातच नव्हे तर संपूर्ण जगभरात कौतुक होत आहे. वेगवेगळ्या देशात हा चित्रपट प्रदर्शित होत आहे आणि तिथे त्याला उत्तम प्रतिसाद मिळत आहे. जपान आणि अमेरिकेत तर या चित्रपटाने सर्वाधिक कमाई करणारा भारतीय चित्रपट म्हणून मान मिळवलाच आहे. आता बॉक्स ऑफिसवर या चित्रपटाने एक वेगळाच आणि अभूतपूर्व असा इतिहास रचला आहे.

लॉस एंजेलीसच्या ‘चायनीज थिएटर’मध्ये केवळ ९८ सेकंदात ‘आरआरआर’चा शो हाऊसफुल्ल झाला आहे. हा प्रकार याआधी कधीही झाला नसल्याचं इथल्या आयोजकांचं म्हणणं आहे. लॉस एंजेलीसमधील चायनीज थिएटर आयमॅक्समध्ये ‘आरआरआर’ ९ जानेवारीला प्रदर्शित होणार आहे. याची तिकीटविक्री आजच सुरू करण्यात आली होती. अवघ्या ९८ सेकंदात तब्बल ९३२ तिकीटं विकली गेल्याचा दावा इथल्या आयोजकांनी केला आहे.

आणखी वाचा : “स्त्रीकडे केवळ एक वस्तू म्हणून…” हिजाबवरून ट्रोल करणाऱ्यांना ए.आर.रेहमानच्या मुलीने दिलेलं चोख उत्तर

हा एक नवा विश्वविक्रम या चित्रपटाच्या नावावर झाला आहे. अमेरिकेत हा चित्रपट धुमाकूळ घालत आहे. व्हराईटी मॅगझिनच्या संभाव्य ऑस्कर विजेत्यांच्या यादीत आरआरआरला मानाचं स्थान मिळालं आहे. गेल्यावर्षी ऑस्करवारी हुकली असली तरी यावर्षी या चित्रपटाला ऑस्करच्या यादीत स्थान मिळेल अशी शक्यता वर्तवण्यात येत आहे.

It's official and it's historic. @RRRMovie sold out the @ChineseTheatres @IMAX in 98 seconds. There has never been a screening like this of an Indian film before because there has never been a film like RRR before. Thank you @ssrajamouli @tarak9999 @AlwaysRamCharan @mmkeeravaani pic.twitter.com/GjR0s6A6b1
— Beyond Fest (@BeyondFest) January 4, 2023

आणखी वाचा – ‘RRR’ला सर्वोत्कृष्ट ओरिजनल गाण्यासाठी पुरस्कार मिळाला, पण…

या चित्रपटातील कलाकार, दिग्दर्शक, संगीत दिग्दर्शक यांचाही जगभरात सन्मान केला जात आहे. हा चित्रपट कोमराम भीम आणि अल्लूरी सीताराम राजू या क्रांतिकारकांच्या आयुष्यावर आणि मैत्रीवर बेतलेला आहे. राजामौली यांनी नुकतंच या चित्रपटाचा पुढील भागसुद्धा येऊ शकतो अशी पुसटशी कल्पनादेखील देऊन ठेवली आहे.

First published on: 06-01-2023 at 14:46 IST

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ss rajamouli director rrr gets housfull board in just 98 seconds at log angelis chinese theatre avn

केवळ ९८ सेकंदात ‘RRR’चा शो हाऊसफुल्ल; विक्रमी तिकीटविक्री करत बॉक्स ऑफिसवर केली जबरदस्त कमाई

बॉक्स ऑफिसवर या चित्रपटाने अभूतपूर्व असा इतिहास रचला आहे