अभिनेता इम्रान हाश्मी सध्या त्याच्या ‘ग्राउंड झिरो’ या आगामी चित्रपटामुळे चर्चेत आला आहे. गेले अनेक दिवस तो या चित्रपटावर काम करत आहे. सध्या या चित्रपटाचे शूटिंग काश्मीरमधील पहलगाम येथे होत आहे. पण त्यादरम्यान या चित्रपटाच्या टीमवर दगडफेक करण्यात आल्याची घटना घडली आहे. पहलगाम येथील मार्केटमध्ये हा प्रकार घडल्याचे दिसून आले आहे. या घटनेचे फोटो व्हायरल होताच चाहत्यांनी इम्रानबाबत चिंता व्यक्त केली आहे.
आणखी वाचा : “बॉलिवूडमध्ये सगळे…” प्रसिद्ध गायक लकी अलींनी सांगितलं बॉलिवूडपासून लांब राहण्याचं कारण
गेल्या काही दिवसांपासून इम्रान हाश्मी हा त्याच्या ‘ग्राउंड झिरो’ नावाच्या चित्रपटासाठी चर्चेत आलेला अभिनेता आहे. चाहते या चित्रपटाची वाट पाहत आहेत. इम्राननं यापूर्वी सोशल मीडियावर पोस्ट करुन आपल्या आगामी प्रोजेक्टविषयी माहिती दिली होती. पण या चित्रपटाच्या कालच्या शूटिंगनंतर इम्रानला एक वाईट अनुभव आला. इम्रान आणि काही क्रू मेम्बर्स संध्याकाळी ७:१५ च्या सुमारास ‘ग्राउंड झिरो’चे शुटींग संपवून पहलगामच्या बाजारात गेले होते. त्यावेळी काही अज्ञात व्यक्तींनी त्यांच्यावर दगडफेक केली. सुदैवाने या दगडफेकीत कोणालाही दुखापत झाली नाही. याप्रकरणी पोलिस ठाण्यात त्या व्यक्तींवर गुन्हा दाखल करण्यात आला आहे.
हेही वाचा : सई ताम्हणकर पुन्हा एकदा बॉलिवूडमध्ये झळकणार, ‘या’ सुपरस्टारबरोबर शेअर करणार स्क्रीन
पहलगामच्या आधी इम्रान श्रीनगर येथे या चित्रपटाचे शूटिंग करत होता. श्रीनगर येथील शेड्युल संपवून ‘ग्राउंड झिरो’च्या टीमने पहलगाम येथे चित्रीकरणाला सुरुवात केली आहे. हा चित्रपट म्हणजे एक मिलिटरी ड्रामा आहे. या चित्रपटात इम्रान हाश्मी एका लष्कर अधिकारीच्या भूमिकेत दिसणार आहे. तर सई ताम्हणकर या चित्रपटात हाश्मी हाश्मीच्या पत्नीची भूमिका साकारणार आहे.
