अल्लू अर्जुनच्या ‘पुष्पा २’ चित्रपटात स्त्रीची एन्ट्री? श्रद्धा कपूर घेणार ‘या’ अभिनेत्रीची जागा

‘पुष्पा २ : द रुल’ चित्रपटाबाबत येणारी प्रत्येक अपडेट ही प्रेक्षकांमधील उत्सुकता वाढवत आहे. या चित्रपटातून पुन्हा एकदा अल्लू अर्जुन लाल चंदनची तस्करी करून पोलीस आणि बॉक्स ऑफिसवर टक्कर देणाऱ्या चित्रपटांवर भारी पडणार आहे. अशातच या चित्रपटात ‘स्त्री’ची एन्ट्री होणार असल्याचं समोर आलं आहे. ‘स्त्री’ म्हणजे सध्या बॉलीवूडला अनेक हिट चित्रपट देणारी श्रद्धा कपूरची ‘पुष्पा २ : द रुल’ चित्रपटात वर्णी लागल्याचं म्हटलं जात आहे.

हेही वाचा – Video: ‘कोंबडी पळाली’ गाण्यावर सलमान खानचा जबरदस्त डान्स पाहिलात का? वैशाली माडेला लावलं होतं गायला, जुना व्हिडीओ होतोय व्हायरल

‘पुष्पा २ : द रुल’ चित्रपटात अनेक नवे चेहरे पाहायला मिळणार आहेत. त्यापैकी श्रद्धा कपूर एक असल्याची चर्चा सुरू आहे. श्रद्धा रश्मिका मंदानाची नव्हे तर समांथा रुथ प्रभूची जागा घेणार आहे. ‘पुष्पा : द राइज’ चित्रपटात ‘ऊ अंटावा’ या गाण्यावर समांथाने जबरदस्त डान्स केला होता. तिच्या डान्सने अक्षरशः सगळ्यांना वेड लावलं होतं. पण आता ‘पुष्पा २ : द रुल’ चित्रपटात समांथाची जागा श्रद्धा कपूर घेणार असल्याचं समोर आलं आहे. माहितीनुसार, ‘पुष्पा २ : द रुल’ चित्रपटातील आयटम साँगसाठी अनेक अभिनेत्रींना संपर्क करण्यात आला. अखेर आता श्रद्धा कपूरपर्यंत शोध काम येऊन थांबलं आहे. सुकुमार दिग्दर्शित ‘पुष्पा २ : द रुल’ चित्रपटात अल्लू अर्जुनबरोबर श्रद्धा जबरदस्त डान्स करताना दिसणार असल्याचं म्हटलं जात आहे.

हेही वाचा – Video: १०० भाग पूर्ण झाल्यानिमित्ताने ‘लाखात एक आमचा दादा’ मालिकेच्या सेटवर कलाकारांचा जल्लोष, नितीश चव्हाणने केला भन्नाट डान्स

हेही वाचा – “प्रिय आशुआई…”, अश्विनी एकबोटेंच्या पुण्यतिथी निमित्ताने सूनबाईची भावुक पोस्ट, म्हणाली, “आजचा दिवस…”

दरम्यान, आतापर्यंत ‘पुष्पा २ : द रुल’ चित्रपटातील दोन गाणी प्रदर्शित झाली आहे. ‘पुष्पा पुष्पा’ आणि ‘सुसेकी’ ही दोन गाणी प्रदर्शित झाली असून प्रेक्षकांच्या चांगलीच पसंतीस पडली आहे. ‘सुसेकी’ गाणं तर सगळ्यांची डोक्यावर घेतलं. ६ डिसेंबरला ‘पुष्पा २ : द रुल’ चित्रपट प्रदर्शित होणार आहे. तसंच दुसऱ्या बाजूला विकी कौशलचा ‘छावा’ चित्रपट देखील ६ डिसेंबरलाच प्रेक्षकांच्या भेटीस येणार आहे. त्यामुळे ‘पुष्पा २ : द रुल’ आणि ‘छावा’ या दोन चित्रपटांमध्ये बॉक्स ऑफिसवर टक्कर पाहायला मिळणार आहे. आता कमाईत कोण बाजी मारणार? हे येत्या काळातच स्पष्ट होईल.