मराठीतील हरहुन्नरी आणि बहुआयामी अभिनेता अशी ओळख असलेला अभिनेता म्हणजे सुबोध भावे. वैविध्यपूर्ण भूमिका सकारत तो प्रेक्षकांच्या भेटीला येत असतो. काही दिवसांपूर्वीच तो ‘हर हर महादेव’ या चित्रपटात छत्रपती शिवाजी महाराजांच्या भूमिकेत दिसणार असल्याचे समोर आले होते. त्यापाठोपाठ सुबोधने आणखीन एका चित्रपटाची घोषणा केली आहे.
अभिनेता सुबोध भावेने त्याच्या सोशल मीडिया अकाउंटच्या माध्यमातून या त्याच्या नव्या चित्रपटाबद्दल सांगितलं आहे. विशेष म्हणजे या चित्रपटातून तो पुन्हा एकदा महेश मांजरेकर यांच्याबरोबर काम करणार आहे. या चित्रपटाचे नाव ‘निरवधी’ आहे. या चित्रपटाचं लेखन आणि दिग्दर्शन महेश मांजरेकर करत आहेत. पुढच्या वर्षी हा चित्रपट प्रदर्शित होणार आहे. सुबोधबरोबरच महेश मांजरेकर यांनीही एक फोटो शेअर करत या चित्रपटाबद्दल माहिती दिली आहे.
हेही वाचा : सुबोध भावे छत्रपती शिवाजी महाराजांच्या भूमिकेत
या चित्रपटात सुबोध भावेबरोबरच उपेंद्र लिमये आणि गौरी इंगवले हे कलाकारही महत्वपूर्ण भूमिका साकारणार आहेत. सुबोधने या नव्या चित्रपटाची बातमी सांगितल्यावर चाहत्यांनी आनंद व्यक्त केला आहे. आम्ही आता २०२३ ची वाट पाहतो, असंही म्हटलं आहे. काहींनी निरवधी शब्दाचा अर्थ विचारला आहे. दरम्यान, सुबोधचा ‘हर हर महादेव’ हा चित्रपट येत्या दिवाळीत प्रेक्षकांच्या भेटीला येत आहे. त्यात सुबोध छत्रपती शिवाजी महाराजांची भूमिका साकारणार आहे. हा चित्रपट मराठीसह हिंदी, तामिळ, तेलगु आणि कन्नड भाषेत प्रदर्शित होणार आहे. त्यामुळे आगामी काळात सुबोधच्या अभिनयाच्या वेगवेगळ्या छटा प्रेक्षकांना पाहायला मिळणार आहेत.
अभिनेता सुबोध भावेने त्याच्या सोशल मीडिया अकाउंटच्या माध्यमातून या त्याच्या नव्या चित्रपटाबद्दल सांगितलं आहे. विशेष म्हणजे या चित्रपटातून तो पुन्हा एकदा महेश मांजरेकर यांच्याबरोबर काम करणार आहे. या चित्रपटाचे नाव ‘निरवधी’ आहे. या चित्रपटाचं लेखन आणि दिग्दर्शन महेश मांजरेकर करत आहेत. पुढच्या वर्षी हा चित्रपट प्रदर्शित होणार आहे. सुबोधबरोबरच महेश मांजरेकर यांनीही एक फोटो शेअर करत या चित्रपटाबद्दल माहिती दिली आहे.
हेही वाचा : सुबोध भावे छत्रपती शिवाजी महाराजांच्या भूमिकेत
या चित्रपटात सुबोध भावेबरोबरच उपेंद्र लिमये आणि गौरी इंगवले हे कलाकारही महत्वपूर्ण भूमिका साकारणार आहेत. सुबोधने या नव्या चित्रपटाची बातमी सांगितल्यावर चाहत्यांनी आनंद व्यक्त केला आहे. आम्ही आता २०२३ ची वाट पाहतो, असंही म्हटलं आहे. काहींनी निरवधी शब्दाचा अर्थ विचारला आहे. दरम्यान, सुबोधचा ‘हर हर महादेव’ हा चित्रपट येत्या दिवाळीत प्रेक्षकांच्या भेटीला येत आहे. त्यात सुबोध छत्रपती शिवाजी महाराजांची भूमिका साकारणार आहे. हा चित्रपट मराठीसह हिंदी, तामिळ, तेलगु आणि कन्नड भाषेत प्रदर्शित होणार आहे. त्यामुळे आगामी काळात सुबोधच्या अभिनयाच्या वेगवेगळ्या छटा प्रेक्षकांना पाहायला मिळणार आहेत.
