‘सुपर डान्सर ४’ मधील कुणाल आणि हृतिकने केला या गोष्टीचा सामना

हा व्हिडीओ सोनी टीव्हीने त्यांच्या अधिकृत इन्स्टाग्राम अकाऊंटवरून शेअर केला आहे. कुणाल असे या स्पर्धकाचे नाव आहे. कुणाल आणि त्याच्या आई-वडीलांनी कुणालच्या बोबडा बोलण्याचा त्याच्या शिक्षणावर कसा परिणाम होत हे सांगितले. एवढंच नव्हे तर कुणालने त्याच्या आई-वडीलांना, “शाळेत सगळे माझी खिल्ली उडवतात म्हणून मी या पुढे शाळेत जाणार नाही,” असे देखील सांगितले होते. त्याची ही कहाणी ऐकूण परिक्षक भावूक झाले. तर, सगळ्यांची लाडकी परिक्षक गीता माँने त्याचा उत्साह वाढवण्यासाठी सांगितले की, “तुला हृतिक रोशनचा डान्स आवडतो का, तो एवढा चांगला डान्सर आहे, पण तुला माहित आहे का की लहान असताना हृतिक सुद्धा बोबडा बोलायचा, हा काही कोणता आजार नाही, त्यासाठी फक्त मेहनत करावी लागते,” असे सांगितले.

यंदाच्य वर्षी करोनाचे संसर्गामुळे याचे ऑडिशन्सहे ऑनलाइन झाले. ‘सुपर डान्सर’मध्ये फक्त ४ ते १४ वयोगटातील मुले भाग घेऊ शकतात. तर बॉलिवूड अभिनेत्री शिल्पा शेट्टी, कोरिओग्राफर गीता मॉं आणि दिग्दर्शक अनुराग बासू हे या शोचे परिक्षक आहेत. अभिनेता रित्वीक धंन्जानी हा या शोचे सुत्रसंचालन करतो.