छोट्या पडद्यावरील ‘पवित्र रिश्ता’ या मालिकेतून करिअरची सुरुवात करणारा अभिनेता सुशांत सिंह राजपूत आज बॉलिवूडमधील नावाजलेल्या अभिनेत्यांपैकी एक आहे. ‘एम.एस.धोनी’, ‘केदारनाथ’ यासारख्या सुपरहिट चित्रपटात झळकल्यानंतर सुशांत लवकरच ‘सोन चिडिया’ या चित्रपटात झळकणार आहे. हा चित्रपट प्रदर्शनाच्या मार्गावर असून नुकताच त्याच्या ट्रेलर प्रदर्शित झाला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

‘सोन चिडिया’ हा चित्रपट बहुप्रतिक्षित ठरत असून या ट्रेलरमुळे प्रेक्षकांच्या चित्रपटाकडून अपेक्षा वाढल्या आहेत. या चित्रपटात सुशांत एका दरोडेखोराच्या भूमिकेत दिसत आहे.तर मनोज वाजपेयीदेखील मुख्य भूमिका साकारणार आहे.

प्रदर्शित झालेल्या ट्रेलरमध्ये भरपूर स्टंट्स आणि अॅक्शनचा थरार पाहायला मिळत आहे. अभिषेक चौबे दिग्दर्शित या चित्रपटाचा ट्रेलर चित्रपट व्यापार विश्लेषक तरण आदर्श यांनीदेखील हा ट्विटरवर शेअर केला आहे.

दरम्यान, या चित्रपटात सुशांत आणि मनोज बाजपेयीव्यतिरिक्त भूमी पेडणेकर, रणवीर शौरी आणि आशुतोष राणा यांच्या प्रमुख भूमिका असणार आहेत.