अभिनेत्री सुष्मिता सेन (Sushmita Sen) तिच्या बॉलिवूड करिअरसोबतच खासगी आयुष्यामुळे देखील नेहमीच चर्चेत राहिली आहे. काही महिन्यांपूर्वीच सुष्मिताने बॉयफ्रेंड रोहमन शॉलशी ब्रेकअप झाल्याची माहिती दिली होती. त्यानंतर आता ती पुन्हा एकदा तिच्या लव्ह लाइफमुळे चर्चेत आली आहे. बिझनेसमन आणि आयपीएलचे माजी चेअरमन ललित मोदी (Lalit Modi) यांनी गुरुवारी (१४ जुलै) संध्याकाळी एक ट्वीट करत सुष्मिता सेनला डेट करत असल्याची कबुली दिली. सुष्मिता आणि ललित यांच्या नात्याबाबत सध्या विविध चर्चा रंगताना दिसत आहेत.
आणखी वाचा – ‘आई कुठे काय करते’मधील शेखरच्या पोस्टने वेधलं साऱ्यांचं लक्ष, म्हणाला, “५ वर्ष वाट पाहिली पण…”
२०१०मध्येच सुष्मिता आणि ललित मोदी यांच्या नात्याबाबत चर्चा रंगल्या होत्या. पण त्यावेळी दोघांनीही याबाबत मौन पाळणंच पसंत केलं. दरम्यानच्या काळामध्ये सुष्मिता रोहमन शॉलला डेट करत होती. आता ललित यांनी सुष्मिताबरोबर असलेल्या नात्याची जाहिर कबुली दिल्यानंतर ललित-रोहमनला ती एकाचवेळी डेट करत होती का? असा प्रश्न निर्माण होत आहे.
ईटाइम्सच्या वृत्तानुसार, अलिकडच्या काळामध्येच ललित आणि सुष्मितामध्ये जवळीक वाढली. याआधी या दोघांमध्ये फक्त मैत्री होती. २०१८मध्ये ललित यांची पत्नी मिनल मोदी यांचं निधन झालं. ललित त्यांची पत्नी मिनल यांच्याबरोबर खूप खुश होते. इतकंच नव्हे तर ललित यांच्या पत्नीबरोबर सुष्मिताची चांगली मैत्री होती. मिनल यांच्या निधनानंतर ललित यांना एकटेपणा जाणवू लागला.
यादरम्यान सुष्मिताने देखील रोहमनशी ब्रेकअप केलं. रोहमनशी ब्रेकअप झाल्यानंतर ललित यांच्याबरोबर सुष्मिताची जवळीक वाढली असं बोललं जात आहे. सध्या तरी सुष्मिता-ललित एकमेकांना डेट करत आहेत. लवकरच दोघं लग्न करतील अशी शक्यता वर्तवली जात आहे.
