स्वप्नील जोशीच्या लेकीची नेटकऱ्यांना भुरळ; व्हिडीओ होतोय व्हायरल

सेलिब्रिटी किड्स हे सध्या त्यांच्या प्रसिद्ध आई-वडिलांपेक्षाही अधिक चर्चेत असल्याचं आपल्याला पाहायला मिळतं. बॉलिवूडमध्ये शाहरुखचा मुलगा अब्राम खान, करिना – सैफचा मुलगा तैमुर अली खान, अभिषेक – ऐश्वर्याची मुलगी आराध्या बच्चन, शाहिद – मीराची मुलगी मीशा कपूर, आमिर- किरण रावचा मुलगा आझाद खान ही मुलं माध्यमांचं लक्ष वेधताना दिसत आहेत. या मुलांची हलकीशी झलक टिपण्यासही कॅमेरे सज्ज असतात. अशातच आपली मराठी सेलिब्रिटी मुलं तरी कशी मागे राहतील. मराठी चित्रपटसृष्टीतील ‘चॉकलेट बॉय’ म्हणजेच स्वप्नील जोशीची मुलगी मायरा सध्या सगळ्यांचंच लक्ष वेधतेय.