आई कुठे काय करते’ या मालिकेतून प्रसिद्धीझोतात आलेले अभिनेते मिलिंद गवळी हे कायमच चर्चेत असतात. या मालिकेत ते अनिरुद्ध देशमुख ही व्यक्तिरेखा साकारताना दिसतात. या मालिकेमुळेच ते घराघरात पोहोचले. नुकत्याच एका मुलाखतीत मिलिंद गवळी यांनी त्यांच्या व्यसनाबाबत विधान केलं आहे. हेही वाचा- “…म्हणून मी नाटकांमध्ये काम करत नाही”; प्रार्थना बेहरेने सांगितलं कारण, म्हणाली “सततची बेचैनी अन्…” एका मुलाखतीत मिलिंद गवळी यांना विचारण्यात आलं होतं की चित्रपटसृष्टीत अनेक कलाकारांना व्यसन लागतात तुम्हाला कोणतं व्यसन आहे का? या प्रश्नाच उत्तर देत मिलिंद गवळी म्हणाले, "मी एक नंबरचा व्यसनी आहे. पण मला अभिनयाचं व्यसन आहे. व्यसानासाठी केमिकल घेण्याची गरज नाहीये. या केमिकलच्या व्यसानांनी तुमच्या शरीराच नुकसान होतं. तुमच्या आजूबाजूच्या लोकांच नुकसान होतं. मला सिगरेट पिणाऱ्या लोकांचा प्रचंड राग येतो. ऑक्सिजन सोडून ते कार्बनडायऑक्साईड घेत असतात. पण तुम्ही जर नियमित प्राणायम केलं तर तुम्हाला व्यसनांची गरज नाही." गवळी पुढे म्हणाले, "लोक मोबाईला सगळ्यात जास्त जपतात. आयफोन असेल तर त्याची जास्त काळजी घेतात. पण देवाने आपल्याला शरीर नावाची जी देणगी दिली आहे त्याची कुणी काळजी घेत नाही. लोकांची सध्याची जीवनशैली पाहता येत्या काळात मानसरोगतज्ञांना जास्त मागणी असेल मला वाटतं" हेही वाचा- “मनोरंजन सृष्टीतून ब्रेक घेतला कारण…”, ‘उंच माझा झोका’तील छोट्या रमाने केला खुलासा, म्हणाली, “त्या मालिकेमुळे…” दरम्यान मिलिंद गवळी गेल्या अनेक वर्षांपासून अभिनय क्षेत्रामध्ये कार्यरत आहेत. त्यांनी मराठीसह हिंदी माध्यमांमध्येही काम केले आहे. ‘आई कुठे काय करते’ या मालिकेमुळे त्यांना खूप लोकप्रियता मिळाली. या मालिकेच्या चित्रीकरणादरम्यानचे फोटो, व्हिडीओ ते सतत सोशल मीडियावर पोस्ट करत असतात.
