स्टार प्रवाह वाहिनीवरील ‘आई कुठे काय करते’ ही मालिका घराघरात लोकप्रिय आहे. ही मालिका टीआरपीच्या यादीच कायमच टॉप १० मध्ये पाहायला मिळते. या मालिकेतील पात्रावरंही प्रेक्षक भरभरुन प्रेम करतात. या मालिकेत अनघा हे पात्र साकारणारी अभिनेत्री अश्विनी महांगडे ही कायमच चर्चेत असते. नुकतंच अश्विनी महांगडेने एक मालिका संपत असल्याचे सांगितले आहे.
अश्विनी महांगडे ही सोशल मीडियावर कायम सक्रीय असते. नुकतंच अश्विनी महांगडेने एक पोस्ट शेअर केली आहे. या पोस्टमध्ये तिने तिची मालिका संपल्याबद्दल भावूक पोस्ट शेअर केली आहे. ‘मेरे साई’ असे या मालिकेचे नाव आहे. ही एक हिंदी मालिका होती. आता या मालिकेने प्रेक्षकांचा निरोप घेतला असून त्याबद्दलच तिने पोस्ट शेअर केली.
आणखी वाचा : “खरंतर ऐन उन्हाळ्यात चित्रपट प्रदर्शित करायला हवा होता…”, संजय मोने यांची पोस्ट; म्हणाले “नाव ‘बाईपण भारी देवा’ असलं तरी…”
अश्विनी महांगडेची पोस्ट
“मेरे साई…… (अप्रतिम अनुभव)
परवा या हिंदी मालिकेचा शेवटचा भाग प्रेक्षकांपर्यंत पोहोचवून या मालिकेने समारोप केला. मी साधारण 1 वर्ष या मालिकेचा भाग होते. तसे पाहता ही माझी पहिली हिंदी मालिका. खरे तर शब्द उच्चाराचे, पाठांतर होईल न, मला जमेल न अशा अनेक गोष्टींचे दडपण हे होतेच. मी प्रयत्न केले. #तेजस्वी ला मी स्वीकारले आणि तिने मला.
@dashami_official ची आभारी आहे की मला एवढी मोठी संधी दिली. @kul_aanand thank you so much..
या मालिकेचे दिग्दर्शक @sachinambre005
सर thank you.
@siddhav21 thank you so much.
तसे पाहता निर्मिती संस्था, सहकलाकार, लेखक, संकलन विभाग, रंगभूषा, केशभूषा,
वेशभूषा @salekarrohini, संगीत विभाग, स्पॉट बॉईज आणि रसिक मायबाप प्रेक्षकांपर्यंत सगळेच किती आणि कसे आभार मानायचे.
मी कायम ऋणी राहीन”, असे अश्विनी महांगडेने म्हटले आहे.
दरम्यान अश्विनी ही ‘आई कुठे काय करते’ या मालिकेबरोबरच ‘मेरे साई’ या मालिकेत झळकत होती. या मालिकेतील तिच्या पात्राचे कौतुक केले गेले. तिच्या या पोस्टवर अनेकजण कमेंट करताना दिसत आहेत.
