छोट्या पडद्यावरील ‘आई कुठे काय करते’ ही लोकप्रिय मालिका आहे. या मालिकेतील देशमुख कुटुंब प्रेक्षकांना आपलंसं वाटतं. मालिकेतील कलाकरांवरही प्रेक्षक भरभरुन प्रेम करतात. या मालिकेत अरुंधतीची भूमिका साकारुन घराघरात पोहोचलेली अभिनेत्री मधुराणी गोखलेला प्रेक्षकांचं विशेष प्रेम मिळालं.
‘आई कुठे काय करते’ मालिकेत अरुंधती तिच्या आवाजाने सगळ्यांनाच मंत्रमुग्ध करत असते. तिच्या सुमधूर आवाजाचे अनेक चाहते आहेत. अरुंधतीची भूमिका साकारणारी मधुराणी खऱ्या आयुष्यातही एक उत्तम गायिका आहे. नुकत्याच प्रदर्शित झालेल्या मालिकेच्या भागात एक अंगाई अरुंधती गाताना दिसली होती. ‘एकदा काय झालं’ या चित्रपटातील ‘बाळाला झोप का गं येत नाही’ ही प्रसिद्ध गायक सलील कुलकर्णी यांनी गायलेली ही अंगाई आहे.
मधुराणीने तिच्या सोशल मीडियावर मालिकेतील अंगाई गातानाचा हा व्हिडीओ शेअर केला आहे. “सलीलने बांधलेली गाणी गाणं हा गाणाऱ्याला समृद्ध करणारा अनुभव असतो. त्यांनी दिग्दर्शित केलेल्या एकदा काय झालं ह्या सुंदर चित्रपटातली ही हळवी अंगाई. ‘आई कुठे काय करते’मध्ये माझ्या नशिबाने मला अनेक गाणी गाण्याची संधी मिळते आणि त्या निमित्ताने नवीन गाणी बसवली ही जातात. गाण्याचं धाडस केलंय. गोड मानून घ्या”, असं मधुराणीने पोस्टमध्ये म्हटलं आहे.
हेही वाचा>>“तुझ्याकडून ही अपेक्षा…”, शर्टचे बटण उघडे ठेवून बोल्ड फोटोशूट केल्यामुळे मराठी अभिनेत्री ट्रोल
सलील कुलकर्णी यांनी या पोस्टवर कमेंट केली आहे. “वाह…तू नेहमीच मन लावून गातेस”, असं त्यांनी कमेंटमध्ये म्हटलं आहे. सलील कुलकर्णी यांनीही त्यांच्या सोशल मीडियावरुन अरुधंतीने गायलेल्या अंगाईचा व्हिडीओ शेअर करत तिचं कौतुक केलं होतं. याशिवाय चित्रपटातील त्यांची अंगाई घेतल्याने त्यांनी मालिकेच्या टीमचे आभारही मानले होते.
हेही पाहा>> Photos: तुनिषा शर्माने शूटिंगदरम्यानच केली आत्महत्या; मालिकेच्या सेटवर नेमकं काय घडलं?
‘आई कुठे काय करते’ ही मालिका सध्या रंजक वळणावर आहे. मालिकेत अभिषेक व अनघाला कन्यारत्नाची प्राप्ती झाली आहे. परंतु, अभिषेकने अनघाचा विश्वाघात केल्यामुळे आता मालिका वेगळं वळण घेत असल्याचं पाहायला मिळणार आहे.
