Video: नव्या घरात रुपाली भोसले खास मैत्रीण गौरी कुलकर्णीबरोबर थिरकली, ‘पुष्पा २’मधील ‘सूसेकी’ गाण्यावर धरला ठेका

‘आई कुठे काय करते’ मालिकेत झळकलेली अभिनेत्री गौरी कुलकर्णीने रुपाली भोसलेच्या नव्या घरातील डान्स व्हिडीओ शेअर केला आहे. रुपाली व गौरी दोघी खास मैत्रीणी आहेत. गौरीने हा डान्स व्हिडीओ शेअर करत लिहिलं आहे, “रुपालीचं स्वप्न साकार झाल्यामुळे आम्ही आनंद साजरा करत आहे; माझ्या पहिल्या डान्स व्हिडीओबरोबर. रुपाली मी तुझ्यासाठी खूप आनंदी आहे.”

हेही वाचा – Video: लंडन ब्रिजजवळ स्वप्नील जोशीचा ‘या’ अभिनेत्रीबरोबर रोमँटिक डान्स, ऋषी कपूर-श्रीदेवी यांच्या लोकप्रिय गाण्यावर थिरकले, पाहा व्हिडीओ

या व्हिडीओमध्ये, रुपाली व गौरीने ‘पुष्पा २’ चित्रपटातील ‘सूसेकी’ गाण्यावर डान्स केला आहे. सध्या सोशल मीडियावर ‘सूसेकी’ व ‘लाजरान साजरा मुखडा’ या गाण्यांचं मॅशअप खूप ट्रेंड होतं आहे. त्याचं ट्रेंडला फॉलो करत रुपाली व गौरी जबरदस्त डान्स करताना पाहायला मिळत आहेत. यामध्ये दोघी पेस्टल गुलाबी रंगाच्या साडीत दिसत आहेत. रुपालीने नऊवारी नेसली असून गौरी सहावारी साडीत पाहायला मिळत आहे.

हेही वाचा – Video: आमिर खानचा जावई अन् विहीणबाईंची परदेशवारी, नुपूर शिखरेची आईसह थायलंडमध्ये धमाल, स्कुटीवर फिरले माय-लेक

रुपाली व गौरीच्या व्हिडीओवर चाहत्यांनी भरभरून प्रतिक्रिया दिल्या आहेत. “खूप गोड”, “खूप छान”, “काय भारी दिसताय दोघी”, “सुंदर”, “कडक”, “मस्त”, अशा प्रतिक्रिया चाहत्यांनी दिल्या आहेत. दोघींचा हा व्हिडीओ चांगलाच व्हायरल झाला आहे.

हेही वाचा – Video: ‘प्रेमाची गोष्ट’मधील स्वातीचा चिमुकल्या सईबरोबर श्रेया घोषालच्या गाण्यावर जबरदस्त डान्स, नेटकरी म्हणाले, “आत्या आणि भाची…

दरम्यान, गेल्या वर्षभरापासून रुपाली भोसले घराच्या इंटेरिअरवर काम करत होती. घराचा प्रत्येक कानाकोपरा तिनं स्वतःच्या स्टाइलने सजवला आहे. हक्काच्या घराचं स्वप्न पूर्ण झाल्यामुळे रुपाली खूप आनंदात आहे. तिचं संपूर्ण आलिशान घर पाहण्यासाठी चाहते खूप उत्सुक आहेत.