“सुशांतच्या चाहत्यांकडून सहानुभूती…”, रुपाली भोसलेने अंकिता लोखंडेला सुनावलं, ‘बिग बॉस’बद्दल मांडलं स्पष्ट मत

रुपालीने ‘बिग बॉस १७’ संदर्भात इन्स्टाग्राम स्टोरी शेअर करत आपलं मत मांडलं आहे. या पोस्टमधून तिने अभिनेत्री अंकिता लोखंडेला चांगलंच सुनावलं आहे. रुपाली तिच्या पहिल्या स्टोरीमध्ये लिहिते, “वीकेंडच्या वारला मनाराला मोठ्यांचा आदर कर असं नेहमी सांगितलं जातं. पण, इशाचं काय? तिला कधीच काहीच बोललं जात नाही. नील, रिंकू मॅम, ऐश्वर्या या इंटस्ट्रीमधील मोठ्या लोकांशी ती १९ वर्षांची मुलगी नेहमीच उद्धट बोलते. ‘बिग बॉस’ तुम्ही आधीसारखे नाही राहिलात आता पूर्णपणे तुमच्यात बदल झालाय.”

हेही वाचा : ‘प्रेमाची गोष्ट’ फेम मुक्ता-सागरचं ‘असं’ पार पडलं केळवण! इन्फ्लुएन्सर नलिनी मुंबईकरांकडे केलेली खास तयारी…

रुपाली पुढे लिहिते, “अंकिता पहिल्या दिवसापासून मी एकटी आहे, स्वतंत्र खेळते असं सांगत फिरत असते. पण, प्रत्यक्षात असं ती एकदाही वागत नाही. करण जोहरने तिला अगदी योग्य सल्ला दिला होता. नॉमिनेट झाल्यावर ती सुशांत सिंह राजपूतचं नाव का घेते? प्रत्येकवेळेला तिला सुशांतच्या चाहत्यांकडून सहानुभूतीची अपेक्षा असते. जर तू खरंच हुशार आहेस आणि नेहमी स्वतंत्र खेळू शकतेस, तर त्याच्या नावाचा आधार का घेतेस? तुला जुन्या गोष्टी व भूतकाळ घरात आठवण्याची काहीच गरज नाहीये.”

हेही वाचा : शुभमंगल सावधान! थाटामाटात पार पडला मुग्धा वैशंपायन-प्रथमेश लघाटेचा विवाहसोहळा, समोर आला पहिला फोटो

“‘बिग बॉस’ आम्ही टास्क खेळून एक-एक पॉवर मिळवायचो किंवा टास्क केल्यावरच आम्हाला घरात वापरण्यासाठी सामान मिळायचं. पण, या घरात सगळ्या सदस्यांना सेव्हन स्टार हॉटेलसारखी वागणूक देण्यात येत आहे. हेअर ट्रिटमेंट करण्यासाठी बाहेरची लोक येत आहेत. मस्तच!” अशी पोस्ट शेअर करत रुपालीने आपलं मत मांडलं आहे. दरम्यान, रुपालीच्या कामाबद्दल सांगायचं झालं, तर सध्या ती ‘आई कुठे काय करते’ या मालिकेतून प्रेक्षकांचं मनोरंजन करत आहे.