‘आई कुठे काय करते’ मालिका बंद होणार का? अभिनेते मिलिंद गवळी म्हणाले…

हेही वाचा – “…आणि तो अद्भुत प्रवास संपला” शंकर महाराजांची भूमिका साकारलेल्या संग्राम समेळची भावुक पोस्ट, म्हणाला…

‘लोकसत्ता ९९९’ या कार्यक्रमात अभिनेते मिलिंद गवळी आणि अभिनेत्री रुपाली भोसले हे दोघं सहभागी झाले होते. यावेळी मिलिंद गवळी यांनी ‘आई कुठे काय करते’ ही मालिका बंद होणार की नाही? याविषयी स्पष्टच सांगितलं. ते म्हणाले, “‘आई कुठे काय करते’ ही मालिका संपणार नाही. मी जर प्रेक्षकांच्या मनामध्ये घर केलं तर तुम्ही मला काढून टाकणार का?, नाही. आता जे सुरू झालंय ते कधीना कधी तरी संपणारच आहे. जन्माला आलोय तर मृत्यू हा अटळच आहे. त्याचप्रमाणे मालिकांचं असतं. अजून ‘आई कुठे काय करते’ मालिकेची गोष्ट पूर्ण झाली नाहीये. त्यामुळे जोपर्यंत गोष्ट पूर्ण होत नाही, तोपर्यंत ती मालिका बंद होत नाही. शिवाय लोकं बंद करू देणार नाहीत.”

हेही वाचा – “भक्तांचा अपमान…”, ‘योगयोगेश्वर जय शंकर’ मालिका अचानक बंद; प्रेक्षकांनी केला संताप व्यक्त, म्हणाले….

पुढे मिलिंद गवळी म्हणाले की, “आज टीआरपीमध्ये आमची मालिका ४.७ ते ६.० आहे. याचाच अर्थ टेलिव्हिजन पाहणारी अर्धी लोक ‘आई कुठे काय करते’ ही मालिका पाहतात. त्यामुळे बघणाऱ्या मालिकांना बंद करत नाहीत. गोष्ट अजून सांगायची आहे. खरंतर आता संजना आणि अनिरुद्धचं नातं सुरू झालंय.”

हेही वाचा – अभिनेत्री जुई गडकरीला चिडवतात ‘गाववाली’? का ते जाणून घ्या..

मिलिंद गवळींच्या या वक्तव्यानंतर ‘आई कुठे काय करते’ ही मालिका प्रेक्षकांचा निरोप घेणार या चर्चांना आता पूर्णविराम लागला आहे. पण सध्या ९.३० या वेळेत सुरू असलेली मालिका ‘सुख म्हणजे नक्की काय असतं’ ही बंद होणार? की नव्या वेळेत भेटीस येणार? किंवा दुसरी कुठली ‘स्टार प्रवाह’वरील मालिका प्रेक्षकांचा निरोप घेणार? या सर्व प्रश्नांची उत्तर येत्या काळातच स्पष्ट होतील.