'झी मराठी' वाहिनीवरील लोकप्रिय कार्यक्रम 'खुपते तिथे गुप्ते' सध्या चांगलाच चर्चेत आला आहे. याचं कारण ठरलं आहे, अभिजीत बिचुकले. 'खुपते तिथे गुप्ते'च्या येत्या भागात 'बिग बॉस मराठी'मुळे प्रसिद्धीच्या झोतात आलेले राजकारणी अभिजीत बिचुकले हजेरी लावणार आहेत. पण प्रेक्षकांना हे चांगलंच खटकलं आहे. 'अरेरे… किती वाईट दिवस आले आहेत गुप्तेवर', 'कार्यक्रमाचा दर्जा घालवू नका', 'डोक्यावर पडले आहेत का झीवाले'?, 'गुप्ते तुम्ही शो सोडून द्या', अशा प्रतिक्रिया सोशल मीडियावर उमटत आहेत. यापूर्वीही या कार्यक्रमात नेतेमंडळींना पाहून ट्रोल करण्यात आलं होतं. ‘मराठी कलाकार संपलेत आणि राजकारणीच लोक आता कलाकार झालेत’, असं बोललं जात होतं. तसंच शोचं नाव ‘गुप्ते तिथे राजकारणी’, असं ठेवण्याचा खोचक सल्लाही देण्यात आला होता. असं असूनही पुन्हा एकदा चर्चित राजकारणी अभिजीत बिचुकले ‘खुपते तिथे गुप्ते’ कार्यक्रमात सहभागी होणार आहेत. हेही वाचा - मराठमोळ्या गिरीजा ओकने ‘जवान’साठी पहिल्या दिवशी पुण्यात केलेलं शुटिंग; ‘या’ ठिकाणाचा उल्लेख करत म्हणाली… अभिजीत बिचुकलेंच्या भागाचा नवा प्रोमो नुकताच 'झी मराठी'च्या सोशल मीडियावर शेअर करण्यात आला आहे. त्यामध्ये अवधूत गुप्तेच्या एका प्रश्नाचं उत्तर देताना बिचुकले पाहायला मिळत आहेत. अवधूत गुप्ते मनसे अध्यक्ष राज ठाकरे यांचं नाव दाखवून विचारतो, "यांच्यामधील खुपणारी एक गोष्ट?" त्यावर अभिजीत बिचुकले म्हणतात, "आमच्या दोघांची परिस्थिती एकसारखी आहे. त्यांच्याकडे एकेकाळी १३ आमदार आले होते आणि माझं अजून खात उघडायचं आहे." हेही वाचा – रश्मिका मंदाना विजय देवरकोंडाबरोबर राहतेय लिव्ह-इनमध्ये? ‘या’ फोटोमुळे चर्चांना उधाण त्यानंतर अवधूत विचारतो, "तुम्ही मनसेमध्ये सामील का नाही होत?" त्यावर बिचुकले म्हणतात, "बोलावणं आल्याशिवाय नाही." असा हा नवा प्रोमोचा व्हिडीओ चांगलाच चर्चेत आला आहे. यापूर्वीच्या प्रोमोमध्ये अभिजीत बिचुकले स्वतःच्या इंग्रजीचं कौतुक करताना दिसले होते. बिचुकले म्हणतात, “मी इंग्रजी असं बोलतो ना की, मी बोललेले शब्द डिक्शनरीमध्ये कुठे लिहिले आहेत हे कळणार नाही.” त्यानंतर ते काही वाक्यं इंग्रजीमध्ये बोलतात. हे ऐकून अवधूत गुप्ते म्हणतो, “एवढं फाडफाड इंग्रजी बोलायला लागलात की, मला आता कौतुकानं काय करावं हेच कळत नाहीये.” हेही वाचा – ‘ठरलं तर मग’ फेम जुई गडकरी लग्नाच्या चर्चांवर स्पष्टच बोलली; म्हणाली, “मी ४ फेब्रुवारीला…” https://www.instagram.com/reel/Cw4VndOMLv2/?utm_source=ig_web_copy_link&igshid=MzRlODBiNWFlZA%3D%3D हेही वाचा – समुद्रात गाण्याचं शूटिंग करताना ‘या’ मराठमोळ्या अभिनेत्रीबरोबर घडली भयंकर घटना; व्हिडीओ आला समोर दरम्यान, याआधी ‘खुपते तिथे गुप्ते’ या कार्यक्रमामध्ये जितेंद्र जोशी, सई ताम्हणकर, सुबोध भावे, श्रेयस तळपदे या कलाकारांनी हजेरी लावली होती. शिवाय राज ठाकरे, संजय राऊत, नारायण राणे, देवेंद्र फडणवीस, अमोल कोल्हे हे राजकारणी देखील सहभागी झाले होते.
