‘शक्तिमान’, ‘गुटुर गू’ अशा विविध मालिकांमध्ये महत्त्वपूर्ण भूमिका साकारणारे अभिनेते के. के. गोस्वामी यांचा मुलगा एका मोठ्या दुर्घटनेतून बचावला आहे. मुंबईत त्यांच्या गाडीने पेट घेतला. या वेळी त्यांचा मुलगा नवदीप ही गाडी चालवीत होता. या घटनेमुळे त्यांच्या संपूर्ण कुटुंबाला धक्का बसला आहे.
मीडिया रिपोर्ट्सनुसार, ही घटना एस. व्ही. रोडवर घडली. के. के. गोस्वामी यांचा मुलगा कारने आपल्या घरातून फिल्मिस्तान स्टुडिओजवळ असलेल्या कॉलेजमध्ये जात होता. नवदीप कार चालवीत असताना गाडीला अचानक आग लागली. यानंतर लगेचच अग्निशमन दल आणि मुंबई पोलिसांच्या पथकाने घटनास्थळी पोहोचून परिस्थिती नियंत्रणात आणली.
आणखी वाचा : ‘द कपिल शर्मा शो’ लवकरच घेणार प्रेक्षकांचा निरोप, कारण आलं समोर
या अपघातातून के. के. गोस्वामी यांचा मुलगा थोडक्यात बचावला आहे. नवदीपला कोणत्याही प्रकारची दुखापत झालेली नाही. हे सगळे कसे घडले हे अजून समजू शकलेले नाही. कारला आग कशामुळे लागली याचा आता पोलीस तपास करीत आहेत.
हेही वाचा : एकता कपूरच्या सुपरहिट मालिकेतून तेजस्वी प्रकाश घेणार एग्झिट? एका एपिसोडसाठी आकारते ‘इतके’ मानधन
के. के. गोस्वामी हे टेलिव्हिजन विश्वातील लोकप्रिय अभिनेते आहेत. त्यांनी आतापर्यंत हिंदी, मराठी, बंगाली, गुजराती, भोजपुरी अशा विविध भाषांमध्ये काम केले आहे. ‘शक्तिमान’, ‘गुटुर गू’, ‘ज्युनियर जी’, ‘भाभी जी घर पर हैं’, ‘शका लका बूम बूम’, ‘सीआयडी’, ‘चक्रवर्ती अशोक सम्राट’ अशा विविध मालिकांमध्ये काम करीत त्यांनी प्रेक्षकांची मने जिंकली आहेत. आता त्यांच्या गाडीला झालेल्या या दुर्घटनेबाबत त्यांचे चाहते चिंता व्यक्त करीत आहेत
