संकर्षण कऱ्हाडे हा मनोरंजन सृष्टीतील एक बहुआयामी कलाकार म्हणून ओळखला जातो. त्याच्या अभिनयाचे, लिखाणाचे, त्याच्या दिग्दर्शनाचे, त्याच्या कवितांचे त्याच्या सूत्रसंचालनाचे लाखो चाहते आहेत. सोशल मीडियावर सक्रिय राहून तो नेहमीच त्याच्या आयुष्यात घडणाऱ्या महत्त्वाच्या घडामोडी चाहत्यांशी शेअर करत असतो. आता संकर्षणची एक पोस्ट खूप चर्चेत आली आहे.
संकर्षणचं सध्या ‘नियम व अटी लागू’ हे नाटक रंगभूमीवर सुपरहिट ठरत आहे. या नाटकामध्ये त्याच्याबरोबर अभिनेत्री अमृता देशमुख प्रमुख भूमिकेत आहे. या नाटकाला प्रेक्षकांचा खूप चांगला प्रतिसाद मिळत आहे. याच नाटकाच्या दौऱ्यासाठी संकर्षण काही दिवसांपूर्वी अमेरिकेला रवाना झाला. सध्या अमेरिकेत विविध शहरांमध्ये या नाटकाचे प्रयोग सुरू आहेत. अशातच संकर्षण तिथे जाऊन कुक बनला.
आणखी वाचा : “मोठं व्हायची इतकी घाई…” संकर्षण कऱ्हाडेचा ‘तो’ व्हिडीओ चर्चेत
संकर्षणाने नुकताच त्याचा एक व्हिडिओ सोशल मीडियावर पोस्ट केला. या व्हिडीओमध्ये तो स्वयंपाक करताना दिसत आहे. अमेरिकेला तो ज्यांच्या घरी राहत होता त्यांच्या घरी संकर्षणने नाश्त्याला फोडणीचा भात आणि फोडणीची पोळी असं एकत्र करून बनवलं. संकर्षांची ही पाककला पाहून ज्यांच्यासाठी संकर्षणने हा पदार्थ केला त्या ताईही खुश झाल्या. हा व्हिडीओ पोस्ट करत त्याने लिहिलं, “आम्ही सारे खवय्ये इन अमेरिका. अमोल राजमाने आणि शुभदा राजमाने यांच्या घरी राहतोय…आज त्यांच्या स्वयंपाकघरात लुडबूड केली. मज्जा आली. “
हेही वाचा : प्रसाद ओक अचानक नाटकाच्या प्रयोगाला आला अन्…; संकर्षण कऱ्हाडेने शेअर केला गमतीशीर किस्सा
तर आता संकर्षणच्या या व्हिडीओने सर्वांचे लक्ष वेधलं असून त्यावर नेटकरी कमेंट करत विविध प्रतिक्रिया देत आहेत. याचबरोबर या व्हिडीओतील त्याचा उत्स्फूर्तपणा खूप आवडल्याचंही त्याच्या चाहत्यांनी सांगितलं आहे.
