‘आई कुठे काय करते’ ही छोट्या पडद्यावरील अत्यंत लोकप्रिय मालिका आहे. या मालिकेची कथा, संवाद, सर्व कलाकारांचा अभिनय प्रेक्षकांना खूप आवडतो. या मालिकेचा प्रेक्षकवर्ग खूप मोठा आहे. या मालिकेतील प्रत्येक कलाकारावर प्रेक्षक भरभरून प्रेम करताना दिसतात. तर सोशल मीडियावर सक्रिय राहून मालिकेतील कलाकार एकमेकांबद्दल प्रेम व्यक्त करताना दिसतात. तर आता ऑनस्क्रीन लेकाच्या वाढदिवसानिमित्त मधुराणी प्रभुलकरने त्याला खास शुभेच्छा दिल्या आहेत.
अभिनेता निरंजन कुलकर्णी याचा आज वाढदिवस आहे. ‘आई कुठे काय करते’ या मालिकेमध्ये निरंजन अरुंधती आणि आशुतोषच्या मोठ्या मुलाची म्हणजेच ‘अभि’ची भूमिका साकारत आहे. पहिल्या दिवसापासून या मालिकेत असल्याने आणि मधुराणी आणि त्याचे अनेक सीन्स एकत्र असल्याने त्याचं आणि मधुराणीचं खास बॉण्डिंग तयार झालं आहे.
आज निरंजनच्या वाढदिवसानिमित्त मधुराणीने त्याला खास शुभेच्छा दिल्या आहेत. मधुराणीने तिचा आणि निरंजनचा एक बिहाइंड द सीन फोटो तिच्या इन्स्टाग्राम स्टोरीवर शेअर करत लिहिलं, “हॅपी बर्थडे निरू… तुला माहित आहे, तू माझा फेव्हरेट आहेस.”
आता मधुराणीची ही स्टोरी खूप चर्चेत आली आहे. तरी आज बरोबर सोशल मीडियावरून नेटकरी निरंजनला वाढदिवसाच्या शुभेच्छा देत आहेत.
