मराठी मनोरंजन सृष्टीतील आघाडीच्या अभिनेत्रींच्या यादीता प्रार्थना बेहरेचं नाव सामील आहे. मालिका असो अथवा चित्रपट; तिने तिच्या कामाने सर्व प्रेक्षकांना भुरळ घातली आहे. तिचा चाहता वर्ग प्रचंड मोठा आहे. ती तिच्या कामाबरोबरच तिच्या वैयक्तिक आयुष्यामुळेही अनेकदा चर्चेत असते. तर तिच्याबद्दल कधी कधी अफवाही ऐकायला मिळतात. तर आता अशीच स्वतःबद्दल ऐकलेली एक अफवा तिने सांगितली आहे.
प्रार्थना बेहेरेने नुकताच तिचा स्वतःचा यूट्यूब चॅनल सुरू केला. तर सध्या मालिका आणि चित्रपटांमधून प्रेक्षकांच्या भेटीला येणारी प्रार्थना तिच्या स्वतःच्या या नवीन यूट्यूब चॅनलवरून सर्वांच्या भेटीला येत आहे. या तिच्या चॅनलवर नुकताच तिने एक नवीन व्हिडीओ पोस्ट केला. यामध्ये तिने तिच्या आयुष्याबद्दलची अनेक गुपितं चाहत्यांशी शेअर केली.
या व्हिडीओमध्ये प्रार्थना बेहेरेने तिच्या आयुष्यातील अनेक गोष्टी सांगितल्या. तिच्या अलिबागच्या घराची झलक दाखवत तिने अनेक प्रश्नांची उत्तरं दिली. “स्वतःबद्दल ऐकलेली एक अफवा सांग,” असा प्रश्न तिला यावेळी विचारण्यात आला. त्यावर ती म्हणाली, “मध्यंतरी मी प्रेग्नंट आहे आणि म्हणून मी काम करायचं बंद केलं आहे असं लोकांना वाटलं होतं. त्याच दिवसांमध्ये मी एक पोलका डॉट असलेल्या एका ड्रेसमधला फोटो पोस्ट केला होता आणि तेव्हा सगळे असे म्हणाले की जेव्हा अभिनेत्री पोलका डॉट घालते तेव्हा ती प्रेग्नंट असते. त्यामुळे मीही प्रेग्नंट आहे आणि ही अफवा मी ऐकलेली.”
प्रार्थनाने पोस्ट केलेला हा व्हिडिओ आता चांगलाच चर्चेत आला आहे. तिचा हा नवीन व्हिडिओ तिच्या चाहत्यांना खूप आवडला असून त्यावर कमेंट करत ते विविध प्रतिक्रिया देत आहेत.