मराठी विश्वातील सुंदर, गोड आणि सोज्वळ अभिनेत्री म्हणून प्रार्थना बेहेरेला ओळखले जाते. आतापर्यंत ती अनेक मालिका आणि चित्रपटांमुळे घराघरात पोहोचली. आता नुकतंच प्रार्थनाने तिच्या खासगी आयुष्याबद्दल मोठा खुलासा केला आहे. प्रार्थनाने पती अभिषेकबरोबरचा रोमँटिक व्हिडीओ शेअर करत त्यांची पहिली भेट कशी झाली होती? याबद्दल सांगितले आहे.
प्रार्थना ही सोशल मीडियावर कायमच सक्रीय असते. नुकतंच तिने इन्स्टाग्रामवर एक व्हिडीओ शेअर केला आहे. या व्हिडीओत प्रार्थना ही तिचा पती अभिषेकबरोबर दिसत आहे.
या व्हिडीओत प्रार्थना पेटिंग करताना दिसत आहे. यावेळी त्या दोघांचीही मजा, मस्ती सुरु असल्याचे पाहायला मिळत आहे. त्याबरोबरच अभिषेक प्रार्थनाला मिठी मारुन गालावर छान किस करतानाही या व्हिडीओत पाहायला मिळत आहे. या व्हिडीओला कॅप्शन देताना प्रार्थनाने त्यांची पहिली भेट कशी झाली होती, याबद्दल सांगितले आहे.
आणखी वाचा : “आमचं लग्न…” वैभव तत्ववादीबद्दल प्रार्थना बेहरे स्पष्टच बोलली
प्रार्थना बेहेरेची पोस्ट
“मी – हाच दिवस, हीच वेळ… सहा वर्षांपूर्वी जेव्हा आम्ही पहिल्यांदा भेटलो.
तो – तुझ्याबरोबर असताना सूर्य अजून मोठा वाटतो आणि चंद्र अधिक सुंदर भासू लागतो. मला तुझ्या जीवनाचा एक भाग बनवल्याबद्दल धन्यवाद. तू जशी आहेस तशीच राहिल्याबद्दल धन्यवाद, त्याबरोबरच मला शक्य तितक्या चांगल्या पद्धतीने सांभाळण्यासाठी धन्यवाद. गेली ६ वर्ष खूपच छान होती आणि आता जेव्हा मी मागे वळून पाहतो तेव्हा मला खरंच खूप भाग्यवान असल्यासारखे वाटते. तुम्पू माझे तुझ्यावर खूप प्रेम आहे”, असे कॅप्शन तिने टाकले आहे.
आणखी वाचा : “अंकिताबरोबर ब्रेकअप झाल्यानंतर सुशांत…” प्रार्थना बेहरे स्पष्टच बोलली
दरम्यान प्रार्थना बेहेरेच्या या व्हिडीओवर सिनेसृष्टीतील अनेक कलाकारांनी कमेंट केल्या आहेत. अभिनेता स्वप्निल जोशीने या व्हिडीओवर हार्ट इमोजी शेअर करत कमेंट केली आहे. तर नेहा पेंडसे, अभिजीत खांडेकर या कलाकारांनीही हार्ट इमोजी शेअर केला आहे.
