लग्नानंतर चार वर्षांनी १ फेब्रुवारीला सेलिब्रिटी जोडप्याच्या घरी चिमुकल्या पाहुण्याचं आगमन; अभिनेत्री म्हणाली, “प्रेमाचा महिना…”

राजश्री रानी आणि गौरव मुकेश यांनी १ फेब्रुवारी रोजी त्यांच्या मुलाचे स्वागत केले. त्यांनी २०२० मध्ये लग्न केलं होतं. लग्नानंतर चार वर्षांनी हे दोघे आई-बाबा झाले आहेत. त्यांनी ‘इ-टाइम्स’ला बाळाच्या जन्माची माहिती दिली. आपला आनंद शेअर करताना राजश्री म्हणाली, “आमच्या बाळाचा जन्म १ फेब्रुवारीच्या पहाटे झाला. गौरवने आमच्या बाळाचा जन्म फेब्रुवारीमध्ये व्हावा अशी इच्छा व्यक्त केली होती, कारण हा प्रेमाचा महिना आहे आणि नेमकं तेच घडलं.”

“तो माझ्या घरी आला अन्…”, जुही चावलाला आमिर खानने दिलेलं सर्वात स्वस्त गिफ्ट; म्हणाली, “घरातील सर्वजण…”

गौरवला बाळाच्या जन्माचा खूप आनंद झाला आहे. त्याने आपल्या मुलाला पहिल्यांदा हातात धरण्याचा त्याचा अनुभव सांगितला. “ती भावना खूप अविश्वसनीय होती. ती शब्दांत सांगता येणार नाही. संपूर्ण नऊ महिने माझ्यासमोरून गेले. तो एक भावनिक क्षण होता. आता मी बाबा झालो आहे. वडील झाल्यामुळे माझ्यात जबाबदारीची भावना निर्माण झाली आहे,” असं तो म्हणाला.

महाराष्ट्राच्या माजी मुख्यमंत्र्यांची लेक होणार जान्हवी कपूरची सासू? शिखर पहारियाच्या आईचं मराठी मालिकाविश्वाशी आहे खास कनेक्शन

राजश्री व गौरवने अद्याप बाळाचं नाव ठेवलेलं नाही. संयुक्त कुटुंबात निर्णय एकत्रितपणे घेतले जातात. त्यामुळे आम्ही अजूनही विचार करत आहोत, कारण आमच्याकडे त्याच्या जन्म प्रमाणपत्रासाठी नोंदणी होईपर्यंत आणखी एक महिना आहे, असं राजश्रीने सांगितलं.

राजश्री व गौरव एकमेकांना ‘सुहानी सी एक लडकी’ या मालिकेच्या सेटवर भेटले होते. यात गौरवने सुहानीच्या बहिणीच्या नवऱ्याची भूमिका केली होती. शूटिंगदरम्यान दोघांची चांगली मैत्री झाली. २०२० मध्ये गौरवने राजश्रीला प्रपोज केलं, राजश्रीने होकार दिला आणि नंतर दोघांचं लग्न झालं. आता लग्नानंतर चार वर्षांनी ते पालक झाले आहेत.