हिंदी मनोरंजनसृष्टीत ड्रामा क्वीन म्हणून ओळखली जाणारी अभिनेत्री राखी सावंत नेहमीच कोणत्या ना कोणत्या कारणाने चर्चेत असते. तुझ्या आयुष्यात सतत काही ना काही ड्रामा घडत असतो. तर आता तिच्या ड्रायव्हरने तिची मोठी फसवणूक केली असं तिने सांगितलं आहे.
राखी सावंत नेहमीच तिच्या आयुष्यात घडणाऱ्या सर्व घडामोडी तिच्या चाहत्यांशी शेअर करत असते. नुकतीच ती तिच्या आलिशान गाडीच्या ऐवजी रिक्षातून फिरताना दिसली. याचं कारण विचारल्यावर ड्रायव्हर तिची गाडी घेऊन पळून गेला असं तिने सांगितलं आहे.
राखी सावंतचा एक व्हिडीओ सध्या सोशल मीडियावर खूप व्हायरल होत आहे. या व्हिडिओमध्ये ती रिक्षात बसून मीडिया फोटोग्राफरशी संवाद साधताना दिसत आहे. ती म्हणते, “आयुष्यात सुख नावाची गोष्ट आहे ती मला कधी मिळणार आहे का? काल माझा ड्रायव्हर पप्पू यादव माझ्या बीएमडब्ल्यू गाडीची चावी, पैसे, सोन्याचा फोन, मर्सिडीज गाडी घेऊन फरार झाला. तो गरीब म्हणत मी त्याच्यावर विश्वास ठेवला आणि त्यानेच माझा विश्वासघात केला. हजारो रुपयांचे कपडे परिधान करून आता माझ्यावर रिक्षामधून फिरण्याची वेळ आली आहे. पण मुंबईच्या रस्त्यांसाठी रिक्षाच योग्य आहे.”
हेही वाचा : Video: “मला आई व्हायचं होतं पण त्याने…” राखी सावंतचा आदिल खानबद्दल मोठा खुलासा
आता तिच्या या व्हिडीओवर नेटकरी कमेंट करत विविध प्रतिक्रिया देत आहेत. “तू त्याला पगार देत नसशील म्हणून त्याने असं केलं”, अशा प्रकारच्या कमेंट करत नेटकरी राखीला लक्ष्य करत आहेत.
