अभिनेत्री माधुरी दीक्षित ही बॉलीवूडमधील आघाडीचे अभिनेत्री आहे. तिथे जगभरात चाहते आहेत. यामध्ये अनेक कलाकारांचाही समावेश आहे. आता नुकतंच एका लोकप्रिय मराठी अभिनेत्रीने माधुरी दीक्षित सारखाच एक व्हिडीओ पोस्ट करत तिचा उल्लेख केला आहे.
माधुरी दीक्षितने नुकताच तिच्या इंस्टाग्राम अकाउंटवर तिचा एक व्हिडीओ पोस्ट केला. हा व्हिडीओ तिचे पती श्रीराम नेने यांनी शूट केला असून त्यामध्ये माधुरी दीक्षित मोटर बोट चालवताना दिसत आहे. माधुरी दीक्षितने हा व्हिडीओ पोस्ट केल्यावर अभिनेत्री ऋजुता देशमुख हिने देखील तिचा तसाच एक व्हिडीओ पोस्ट केला.
आणखी वाचा : माधुरी दीक्षितच्या धाकट्या लेकाची उत्कृष्ट कामगिरी, अभिमान व्यक्त करत अभिनेत्री म्हणाली…
ऋजुताने शेअर केलेल्या व्हिडीओमध्ये ती माधुरी दीक्षितप्रमाणेच एक बोट चालवताना दिसत आहे. तिचा हा व्हिडीओ केरळमधील आहे. हा व्हिडीओ शेअर करत तिने लिहिलं, “जस्ट फॉर फन. काय योगायोग आहे! माझा व्हिडीओ १३ जुलैला शूट केला आहे (केरळ), आज माधुरी यांचा व्हिडीओ बघून माझा व्हिडीओ पोस्ट करायची इच्छा झाली.”
हेही वाचा : Video: माधुरी दीक्षितने दिले मिसळ बनवण्याचे धडे, खास टिप्स शेअर करत म्हणाली…
आता तिचा हा व्हिडीओ तिच्या चाहत्यांना खूप आवडला असून त्यावर अनेकांनी कमेंट करत असे कौतुक केलं आहे. फक्त चाहतेच नाहीतर मनोरंजन सृष्टीतील तिची मित्रमंडळी देखील कमेंट करत तिचा हा अंदाज आवडल्याचं सांगत आहेत.
