अभिनेत्री शर्मिष्ठा राऊत ही टेलिव्हिजन आणि चित्रपट सृष्टीतील एक लोकप्रिय अभिनेत्री म्हणून ओळखली जाते. ती आतापर्यंत अनेक मालिका आणि चित्रपटांमधून प्रेक्षकांच्या भेटीला आली. तिच्या कामाबरोबरच ती तिच्या वैयक्तिक आयुष्यामुळेही चर्चेत असते. तर आता ती ‘सारं काही तिच्यासाठी’ या मालिकेतून प्रेक्षकांच्या भेटीला येणार आहे. या निमित्त दिलेल्या एका मुलाखतीमध्ये तिने तिच्या नवऱ्याने तिच्यासाठी त्याचं गिरगावमधील घर सोडल्याचा खुलासा केला.
‘सारं काही तिच्यासाठी’ मालिका म्हणजे दोन बहिणींची गोष्ट आहे. गेली अनेक दिवस या मालिकेची टीम या मालिकेचं खूप प्रमोशन करत होते. नुकतीच त्या सर्वांनी होम मिनिस्टर या कार्यक्रमामध्ये हजेरी लावली. त्यावेळी शर्मिष्ठाने तिच्या नवऱ्याने तिच्यासाठी केलेल्या सगळ्यात मोठ्या गोष्टीबद्दल भाष्य केलं.
आणखी वाचा : “आमचं पहिलं बाळ…” शर्मिष्ठा राऊतने सुरु केली नवी इनिंग, पोस्ट चर्चेत
होम मिनिस्टर या कार्यक्रमाचा एक प्रोमो सोशल मीडियावर व्हायरल होत आहे. या प्रोमोमध्ये आदेश बांदेकर शर्मिष्ठाला विचारतात, “तुला सगळं ठाण्यातच मिळालं? त्यावर शर्मिष्ठा म्हणते, “हो.” त्यानंतर आदेश बांदेकर विचारतात, “कसं काय पण?” यावर शर्मिष्ठा म्हणते, “माझा नवरा गिरगावचा आहे. जेव्हा आमचं लग्न ठरलं तेव्हा माझी अट होती की, मी ठाणे सोडणार नाही. यावर तो म्हणाला होता, नो प्रॉब्लेम. मी ठाण्यात येतो. मग तो गिरगाव सोडून ठाण्यात आला.”
दरम्यान, शर्मिष्ठा राऊतने २०२० मध्ये तेजस देसाईशी लग्नगाठ बांधली. शर्मिष्ठा आणि तेजस यांच्या लग्नसोहळ्याचे अनेक फोटो सोशल मीडियावर व्हायरल झाले होते. तर सोशल मीडियावर सक्रिय राहून ते अनेकदा एकमेकांबद्दलचं प्रेम व्यक्त करताना दिसतात.
