अभिनेत्री तेजस्वी प्रकाश ही हिंदी मनोरंजनसृष्टीतील एक आघाडीची अभिनेत्री मानली जाते. केली अनेक वर्ष विविध मालिकांमध्ये उत्तमोत्तम भूमिका साकारत ती प्रेक्षकांच्या भेटीला आली आहे. हिंदी टेलिव्हिजनवरील ती सर्वाधिक मानधन घेणाऱ्या अभिनेत्रींपैकी एक म्हणून ओळखली जाते. आता तिच्याबद्दल एक मोठी माहिती समोर आली आहे.
‘बिग बॉस १५’मध्ये तेजस्वी प्रकाश सहभागी झाली होती. तर या परवाच्या ट्रॉफीवरही तिनेच नाव कोरलं होतं. यानंतर तिला अनेक मालिकांच्या ऑफर्स आल्या. त्यातून तिने एकता कपूरची ऑफर स्वीकारली आणि गेले काही महिने ती तिच्या ‘नागिन ६’ या मालिकेमध्ये महत्त्वपूर्ण भूमिकेत दिसत आहे. पण आता तिने या मालिकेतून काढता पाय घेण्याचा निर्णय घेतला आहे.
आणखी वाचा : तेजस्वी प्रकाशने घेतला ब्रेकअप करायचा निर्णय, व्हिडीओ पोस्ट करत म्हणाली…
गेल्या वर्षी ‘नागिन ६’ ही मालिका सुरू झाली. या मालिकेला प्रेक्षकांकडून खूप चांगला प्रतिसादही मिळत होता. पण गेल्या काही महिन्यात या मालिकेचा टीआरपी घसरल्यामुळे निर्मात्यांनी ही मालिकाच बंद करण्याचा निर्णय घेतला असल्याचं बोललं जात आहे. तर अभिनेत्री तेजस्वी प्रकाश देखील या मालिकेमध्ये महत्त्वपूर्ण भूमिकेमध्ये दिसत असून ती या मालिकेतून एग्झिट घेणार आहे. या मालिकेच्या एका एपिसोडसाठी ती तब्बल २ लाख रुपये आकारते. पण अद्याप निर्मात्यांनी ही मालिका बंद होणार असल्याची अधिकृत घोषणा केलेली नाही.
हेही वाचा : अभिनेत्री तेजस्वी प्रकाशचा ‘मन कस्तुरी रे’ चित्रपटातील फर्स्ट लूक प्रदर्शित
एकता कपूरच्या ‘नागिन ६’नंतर ती ‘नागिन ७’ ही मालिका प्रेक्षकांच्या भेटीला घेऊन येणार आहे. एप्रिल महिन्यात ही मालिका सुरू होईल असं बोललं जात आहे. तर या मालिकेत प्रमुख भूमिकेसाठी एकताने अभिनेता गुलतेशम याला कास्ट केलं आहे. नुकतेच त्याने स्वतः त्याच्या सोशल मीडिया अकाउंटवर एक पोस्ट शेअर करत ही बातमी दिली. पण आता ‘नागिन ६’मधून बाहेर पडल्यावर तेजस्वी ‘नागिन ७’मध्ये दिसणार का, हे येत्या काही दिवसांमध्ये स्पष्ट होईल.
