अभिनेत्री अदिती द्रविड ही मराठी मनोरंजन सृष्टीतील लोकप्रिय अभिनेत्रींपैकी एक आहे. आतापर्यंत ती अनेक मालिका आणि चित्रपटांमधून प्रेक्षकांच्या भेटीला आली. अदितीचं क्रिकेटर राहुल द्रविड यांच्याशी नातं आहे. तर आता तिने त्यांच्याबरोबरचा एक फोटो शेअर करत खास कॅप्शन लिहिली.
अदिती नेहमीच सोशल मीडियावर सक्रिय राहून तिच्या चाहत्यांच्या संपर्कात असते. तिच्या कामाबरोबरच तिच्या वैयक्तिक आयुष्यातील घडामोडी ती चाहत्यांशी वरचेवर शेअर करत असते. नुकतीच तिची राहुल द्रविड यांच्याशी भेट झाली आणि त्या भेटीदरम्यानचा एक फोटो तिने तिच्या सोशल मीडिया अकाउंटवरून शेअर केला आहे.
आणखी वाचा : “सुंदरा मनामध्ये भरली मालिकेसाठी किती मानधन मिळालं?” अभिनेत्रीने सांगूनच टाकलं, म्हणाली…
अदितीने शेअर केलेल्या फोटोमध्ये ती राहुल द्रविड यांच्या बाजूला उभी राहून फोटोसाठी पोज देताना दिसत आहे. तर हा फोटो शेअर करत तिने कॅप्शनमध्ये लिहिलं, “द्रविडियन्स.” याबरोबरच तिने राहुल द्रविड यांनाही टॅग केलं. आता तिची ही पोस्ट खूप चर्चेत आली आहे.
अदिती आणि राहुल द्रविड एकमेकांचे नातेवाईक लागतात. राहुल द्रविड अदितीचा काका आहे. त्यामुळे अदिती राहुल द्रविड यांना भेटल्यामुळे तिचे चाहते आणि तिचे मित्रमंडळी त्यावर विविध प्रतिक्रिया देत आनंद व्यक्त करत आहेत.