३१ मेला प्रदर्शित झालेला ‘मिस्टर अँड मिसेज माही’ चित्रपट अजूनही बॉक्स ऑफिसवर कमाई करताना दिसत आहे. शरण शर्मा दिग्दर्शित हा चित्रपट संथ गतीने व्यवसाय करताना पाहायला मिळत आहे. या चित्रपटात अभिनेता राजकुमार राव व अभिनेत्री जान्हवी कपूर प्रमुख भूमिकेत झळकले आहेत. ‘मिस्टर अँड मिसेज माही’ चित्रपटातील गाणी सुपरहिट झाली आहेत. सोशल मीडियावर अनेकजण या गाण्यांवर डान्स करताना करताना दिसत आहेत. अशातच मराठी सिनेसृष्टीतील लोकप्रिय जोडप म्हणजेच नारकर जोडप्यांनी ‘मिस्टर अँड मिसेज माही’ चित्रपटातील रोमँटिक गाण्यावर डान्स केला आहे.
राजकुमार राव व जान्हवी कपूरच्या ‘मिस्टर अँड मिसेज माही’ चित्रपटातील ‘देखा तेनु पहली पहली बार’ या रोमँटिक गाण्याची अनेकांना भुरळी पडली आहे. शाहरुख खान, काजोलच्या ‘कभी खुशी कभी गम’ चित्रपटातील ‘शावा-शावा’ या गाण्याचं हे रीमेक आहे. गायक मोहम्मद फैजने ‘देखा तेनु पहली पहली बार’ गाणं गायलं आहे. या गाण्यावर ऐश्वर्या नारकर व अविनाश नारकरांनी जबरदस्त डान्स केला आहे.
हेही वाचा – ‘शुभविवाह’ मालिकेतून अचानक ‘या’ अभिनेत्याची एक्झिट, आता ‘लग्नाची बेडी’ फेम अभिनेता झळकला ‘या’ भूमिकेत
ऐश्वर्या नारकरांनी हा डान्स व्हिडीओ इन्स्टाग्रामवर शेअर केला आहे. यामध्ये दोघं ‘देखा तेनु पहली पहली बार’ या गाण्यावर सुंदर डान्स करताना दिसत असून अविनाश नारकरांच्या एक्सप्रेशन्सने सगळ्यांचं लक्ष वेधलं आहे. दोघांचा हा देखील व्हिडीओ सोशल मीडियावर चांगलाच व्हायरल झाला आहे.
हेही वाचा – Video: मुक्ता चॅलेंज करणार पूर्ण, सगळ्यांसमोर करणार सागरला किस, पाहा रोमँटिक सीन
विशेष म्हणजे या व्हिडीओतील ऐश्वर्या नारकरांच्या लूकने देखील सगळ्यांचं लक्ष वेधून घेतलं आहे. सिव्हलेस ब्लाऊज, त्यावर हिरव्या रंगाची किनार असलेली काळ्या रंगाची साडी, केसात गजरा, कपाळावर मोठी टिकली, अशा सुंदर लूकमध्ये ऐश्वर्या नारकर पाहायला मिळत आहेत. नारकर जोडप्याच्या या व्हिडीओला आतापर्यंत ६९ हजारांहून अधिक व्ह्यूज मिळाले असून २ हजारांहून अधिक जणांनी लाईक केलं आहे. तसंच चाहत्यांच्या प्रतिक्रियांचा पाऊस पडत आहे.
