Aishwarya Narkar : सध्या सोशल मीडियावर जुन्या गाण्यांची प्रचंड क्रेझ निर्माण झाली आहे. रॅप आणि उडत्या गाण्यांच्या जमान्यात आजची तरुणाई मन शांत करण्यासाठी जुनी, शांत आणि संयमी गाणी ऐकण्यास प्राधान्य देते. बॉलीवूडच्या ७०-८० च्या दशकातील अनेक गाणी सध्या इन्स्टाग्राम रील्सवर ट्रेंड होत आहेत. किशोर कुमार यांचं ‘मुन्ना बड़ा प्यारा’ असो किंवा ‘मन तळ्यात मळ्यात’ हे मराठी गाणं…; गेल्या काही दिवसात नेटकऱ्यांना या गाण्यांची चांगलीच भुरळ पडल्याचं पाहायला मिळत आहे.
मराठी कलाविश्वातील हरहुन्नरी अभिनेत्री ऐश्वर्या नारकर ( Aishwarya Narkar ) सोशल मीडियावर प्रचंड सक्रिय असतात. विविध ट्रेडिंग गाण्यांवर रील्स व्हिडीओ बनवत त्या प्रेक्षकांचं मनोरंजन करतात. ऐश्वर्या व त्यांचे पती अविनाश यांचे एकत्र डान्स करतानाचे अनेक व्हिडीओ तुफान व्हायरल होतात. अलीकडे ऐश्वर्या नारकर यांनी कलाविश्वातील एका लोकप्रिय अभिनेत्रीच्या साथीने जुन्या गाण्यावर खास व्हिडीओ बनवला आहे.
ऐश्वर्या नारकरांच्या व्हिडीओवर अविनाश यांची खास कमेंट
ऐश्वर्या नारकरांनी ( Aishwarya Narkar ) दिग्गज ज्येष्ठ गायिका आशा भोसले यांच्या ५६ वर्षांपूर्वीच्या ‘कजरा मोहब्बत वाला’ गाण्यावर खास ‘ब्लॅक अँड व्हाइट’ व्हिडीओ शेअर केला आहे. ‘कजरा मोहब्बत वाला’ हे गाणं १९६९ च्या ‘किस्मत’ चित्रपटातील आहे. या जुन्या गाण्याची लोकप्रियता आजही कायम आहे.
ऐश्वर्या नारकरांनी अभिनेत्री अश्विनी कासार हिच्यासह या ‘कजरा मोहब्बत वाला’ गाण्यावर सुंदर असा डान्स केला आहे. व्हिडीओत दोघींची एनर्जी, दिलखेचक अदा लक्ष वेधून घेतात. अविनाश नारकरांनी या व्हिडीओवर “व्वा व्वा व्वा व्वा व्वा व्वा….क्या बात है…!! खूप खूप खूप गोड….!!” अशी कमेंट केली आहे. तर, अन्य नेटकऱ्यांनी सुद्धा या दोघींचं भरभरून कौतुक केलं आहे.
ह
दरम्यान, ऐश्वर्या नारकरांच्या ( Aishwarya Narkar ) कामाबद्दल सांगायचं झालं, तर त्यांचा चाहतावर्ग मोठ्या प्रमाणात आहे. त्यांची महत्त्वाची भूमिका असलेल्या ‘झी मराठी’च्या ‘सातव्या मुलीची सातवी मुलगी’ या मालिकेने काही दिवसांपूर्वीच प्रेक्षकांचा निरोप घेतला. आता अभिनेत्री येत्या काळात कोणत्या प्रोजेक्टमधून प्रेक्षकांच्या भेटीला येणार हे पाहणं महत्त्वाचं ठरणार आहे.
