'या सुखांनो या', 'लेक माझी लाडकी', 'स्वामिनी' या मालिकेमुळे अभिनेत्री ऐश्वर्या नारकर घराघरांत लोकप्रिय झाल्या. नाटक, चित्रपट, मालिका अशा तिन्ही माध्यमांमध्ये त्यांनी आपल्या अभिनयाचा ठसा उमटवला आहे. अभिनयक्षेत्राशिवाय त्या सोशल मीडियावर कायम सक्रिय असतात. त्यांचे फिटनेस व्हिडीओ इन्स्टाग्रामवर सर्वाधिक चर्चेत असतात. ऐश्वर्या यांनी नुकताच घरगुती जेवण बनवतानाचा खास व्हिडीओ शेअर केला होता. या व्हिडीओमध्ये त्यांना वरण-भात, भाजी-भाकरी, ताक असे सगळे सात्विक पदार्थ बनवले होते. ऐश्वर्या नारकरांच्या या व्हिडीओवर त्यांच्या अनेक चाहत्यांनी कमेंट करत अभिनेत्रीचं कौतुक केलं आहे. यापैकी त्यांच्या एका चाहतीने या व्हिडीओवर कमेंट करत अभिनेत्रीला खास सल्ला दिला होता. हेही वाचा : तारीख ठरली! प्रथमेश परब ‘या’ दिवशी करणार साखरपुडा; म्हणाला, “आमच्या रिलेशनशिपमध्ये…” ऐश्वर्या नारकर यांच्या व्हिडीओवर कमेंट करत चाहती लिहिते, "ताई सॉरी पण हे जे तुम्ही डायरेक्ट गॅसवर भाकरी भाजताय त्याने कॅन्सर होण्याची शक्यता असते. प्लीज तुम्ही तुमची काळजी घ्या. कारण, मला तुम्ही खूप आवडता." या कमेंटवर उत्तर देत अभिनेत्री म्हणते, "हो नक्कीच यापुढे मी काळजी घेईल धन्यवाद!" हेही वाचा : “तुझं खूप देणं लागतो…” म्हणत कुशल बद्रिकेची बायकोच्या वाढदिवसानिमित्ताने खास पोस्ट ऐश्वर्या नारकर दरम्यान, ऐश्वर्या नारकर यांच्या कामाबद्दल सांगायचं झालं, तर अभिनेत्री सध्या झी मराठीवरील 'सातव्या मुलीची सातवी मुलगी' या मालिकेतून प्रेक्षकांचं मनोरंजन करत आहेत. या मालिकेत त्या रुपाली हे नकारात्मक पात्र साकारत आहेत.
