Aishwarya Narkar And Avinash Narkar : दिवाळी पाडवा हा सण साडेतीन मुहूर्तांपैकी एक म्हणून ओळखला जातो. या सणाला आपण बलिप्रतिपदा या नावाने देखील ओळखतो. या दिवशी पत्नी आपल्या पतीचं औक्षण करते आणि नवरा या शुभदिवशी बायकोला खास भेटवस्तू देतो अशी प्रथा आहे. सामान्य लोकांप्रमाणे मनोरंजन विश्वातील कलाकार सुद्धा दिवाळीचे हे ३-४ दिवस शूटिंगमधून ब्रेक घेत आपल्या घरी आनंदाने सणवार साजरे करतात.
मराठी कलाविश्वात ऐश्वर्या ( Aishwarya Narkar ) व अविनाश नारकर यांचा चाहतावर्ग मोठ्या प्रमाणात आहे. या दोघांची जोडी सोशल मीडियावरील व्हायरल रील्स व्हिडीओमुळे कायम चर्चेत असते. हे दोघंही ट्रेडिंग गाण्यांवर डान्स करताना दिसतात. याशिवाय गेली अनेक वर्षे या जोडप्याने मराठी नाटक, मालिका, चित्रपट अशा तिन्ही माध्यमांमध्ये आपल्या अभिनयाचा ठसा उमटवला आहे. या दोघांचा दिवाळी पाडव्याचा व्हिडीओ सध्या सोशल मीडियावर व्हायरल होत आहे. दोघांचं प्रेम पाहून नेटकऱ्यांनी देखील या व्हिडीओवर कमेंट्सचा पाऊस पाडला आहे.
हेही वाचा : लग्नानंतर चार वर्षे दूर राहिले, करिअरमध्ये साथ अन्…; दिवाळी पाडव्याला मृणाल दुसानिसने पती नीरजचं केलं कौतुक
अविनाश यांनी ऐश्वर्या नारकरांना दिलं सुंदर गिफ्ट
दिवाळी पाडल्याच्या सणाला ऐश्वर्या नारकर ( Aishwarya Narkar ) सुंदर साडी, केसात गजरा, नाकात नथ, हातात चुडा असा पारंपरिक लूक करून तयार झाल्याचं यामध्ये पाहायला मिळत आहे. तर, अविनाश नारकर मेहंदी रंगाचा कुर्ता घालून तयार होऊन बसले होते. यावेळी अभिनेत्री सुरुवातीला त्यांचं औक्षण करत असल्याचं व्हिडीओमध्ये पाहायला मिळतं. औक्षण झाल्यावर अविनाश नारकर आपल्या पत्नीला सुंदर असं गिफ्ट देतात. आता हे गिफ्ट काय याचा उलगडा ऐश्वर्या यांनी व्हिडीओच्या कॅप्शनमध्ये केला आहे.
“दिवाळी पाडवा… ठुशी आणि कानातले आले गिफ्ट म्हणून…पहिली ठुशी!” असं कॅप्शन ऐश्वर्या यांनी या व्हिडीओला दिलं आहे. यावरून अभिनेत्रीला पाडव्यानिमित्त अविनाश यांनी ठुशी आणि सुंदर कानातले गिफ्ट दिल्याचं समोर आलं आहे.
हेही वाचा : Video : तितीक्षा तावडेचं सासरचं घर पाहिलंत का? दिवाळीच्या दिवशी दाखवली घराची झलक; दारावर आहे खास नेमप्लेट
दरम्यान, नेटकऱ्यांनी या दोघांच्या ( Aishwarya Narkar ) व्हिडीओवर कौतुकाचा वर्षाव केला आहे. “तुम्ही दोघं खूपच गोड आहात…लव्ह युअर बाँड”, “जन्मोजन्मी तुमचं प्रेम अबाधित राहो”, “तुमच्यासारख्या जोडप्याचा आदर्श घेऊन जीवन नक्कीच सुखी होईल”, “सुंदर जोडी अशीच राहा” अशा कमेंट्स नेटकऱ्यांनी या व्हिडीओवर दिल्या आहेत.
