हार्दिक जोशी व अक्षया देवधर सध्या त्यांच्या सुखी वैवाहिक आयुष्यामध्ये व्यग्र आहेत. लग्नानंतर दोघंही एकमेकांबरोबरचे फोटो व व्हिडीओ शेअर करताना दिसतात. २०२२ हे वर्ष हार्दिक व अक्षयासाठी लकी ठरलं. त्यांनी लग्न करत नव्या आयुष्याला सुरुवात केली. हार्दिक त्याच्या कामामध्ये व्यग्र आहे. पण कामामधून वेळ काढत या दोघांनी नव वर्षाची जोरदार सुरुवात केली.
आणखी वाचा – “आम्ही दोघंही सिगरेट व दारू…” रितेश देशमुखने खासगी आयुष्याबाबत केलेलं ‘ते’ वक्तव्य चर्चेत
कलाकार मंडळींनी नवीन वर्षाचं स्वागत करत जंगी पार्टी केली. यादरम्यानचे बरेच फोटो व व्हिडीओ सध्या सोशल मीडियावर व्हायरल होत आहेत. यामध्ये हार्दिक व अक्षयाही मागे नाहीत. दोघांनीही मित्र मंडळींबरोबर न्यु इयरचं सेलिब्रेशन केलं.
पाहा व्हिडीओ
हार्दिक व अक्षयाने पार्टीचे काही व्हिडीओ व फोटोही सोशल मीडिया अकाऊंटद्वारे शेअर केले आहेत. या व्हिडीओमध्ये दोघांनीही पांढऱ्या रंगाचे कपडे परिधान केलेले दिसत आहेत. तसेच व्हिडीओ पाहून एका पबमध्ये यांनी मित्र-मंडळींबरोबर पार्टी केली असल्याचं पाहायला मिळत आहे.
लग्नानंतर पहिल्यांदाच नवीन वर्षाचं हार्दिक व अक्षयाने सेलिब्रेशन केलं. यावेळी हार्दिक आनंदाने नाचतानाही दिसला. हार्दिक व अक्षयाला त्यांच्या चाहते मंडळींनी नवीन वर्षाच्या भरभरून शुभेच्छा दिल्या आहेत. तर दोघांनीही २०२३मधील पहिला सेल्फी फोटोही सोशल मीडियावर शेअर केला आहे.
