हार्दिक जोशी व अक्षया देवधर २ डिसेंबरला विवाहबंधनात अडकले. या दोघांच्या लग्नाचे बरेच व्हिडीओ व फोटो सोशल मीडियावर व्हायरल झाले. अजूनही या दोघांच्या विवाहसोहळ्याची चर्चा रंगत आहे. हार्दिक-अक्षयाच्या लग्नाचं क्रेझ काही संपत नाही. अक्षयाचा संगीत कार्यक्रमाचा एक व्हिडीओ व्हायरल झाला आहे. या व्हिडीओमध्ये अक्षया हार्दिकसाठी गाणं गाताना दिसत आहे.
हार्दिक व अक्षयाने लग्नगाठ बांधत चाहत्यांना सुखद धक्का दिला. या दोघांच्या जोडीला चाहते भरभरून प्रेम देत आहेत. हार्दिकनेही अक्षयासाठी सरप्राईज डान्स केला होता. अक्षयाने हिंदी रोमँटिक गाणं गात हार्दिकला सरप्राईज दिलं.
अक्षयाने ‘Shukarallah’ हे गाणं गायलं. तिच्या मैत्रिणींसह तिने हे गाणं गात हार्दिकला इम्प्रेस केलं. हार्दिकही अक्षया गाणं गात असताना भारावून गेला. दोघांनीही आता त्यांच्या नव्या आयुष्याला सुरुवात केली आहे.
लग्नानंतरच्या पहिल्या कॉफी डेटचे फोटोही दोघांनी त्यांच्या सोशल मीडिया अकाऊंटद्वारे शेअर केले. ‘तुझ्यात जीव रंगला’ मालिकेतून अक्षया-हार्दिक घराघरात पोहोचले. या मालिकेपासूनच दोघांच्या लव्हस्टोरीला सुरुवात झाली.