अमृता देशमुख-प्रसाद जवादे यांचा लग्नसोहळा १८ नोव्हेंबर रोजी थाटामाटात पार पडला. या दोघांच्या लग्नाला सिनेसृष्टीतील कलाकर व त्यांच्या जवळच्या नातेवाईकांनी उपस्थिती लावली होती. अमृता-प्रसादच्या लग्नाचे फोटो सोशल मीडियावर प्रचंड व्हायरल झाले होते. लग्नाला एक महिना पूर्ण झाल्यावर आता नुकताच अभिनेत्रीने इन्स्टाग्रामवर त्यांच्या लग्नपत्रिकेचा फोटो शेअर केला आहे.
अमृताच्या लग्नपत्रिकेवर तिने लिहिलेली स्वरचित कविता छापण्यात आली होती. याबद्दल अमृताने नुकतीच पोस्ट शेअर करत माहिती दिली आहे. तिच्या स्वरचित कवितेला लग्नाच्या पत्रिकेवर हस्तलिखित रूप दिल्याबद्दल अमृताने या पोस्टमधून जवळच्या मित्राचे आभार मानले आहेत.
हेही वाचा : “जे खूप घातक आहे”, ‘अ‍ॅनिमल’ चित्रपटासंदर्भात वैभव मांगलेंची पोस्ट; म्हणाले, “हिंसा आणि लैंगिकता…”
अमृताच्या लग्नपत्रिकेमधील कवितेने वेधलं लक्ष
समांतर असा सुरू होता
त्या दोघांचा प्रवास…
अनपेक्षित क्षणी आला
सक्तीचा सहवास
भिन्न स्वभाव
भिन्न विचार
प्रेमावर मात्र दृढ विश्वास.
आधी त्याने घेतला हातात हात
मग तिने सोडली नाही
कधीच त्याची साथ…
दोन मनानंच सुरू झाला होता
Experimental संवाद…
मात्र Permanent सुखी
जीवनासाठी हवेत आता…
फक्त तुमचे आशीर्वाद
दरम्यान, प्रसाद-अमृताच्या प्रेमकहाणीबद्दल सांगायचं झालं, तर या दोघांनी बिग बॉसमराठी कार्यक्रमात एकत्र सहभाग घेतला होता. पुढे, या मैत्रीचं रुपांतर प्रेमात झालं आणि १८ नोव्हेंबर २०२३ रोजी या दोघांनी लग्नगाठ बांधली.
