अंकिता लोखंडे लोकप्रिय टीव्ही अभिनेत्री आहे. ‘पवित्र रिश्ता’ या मालिकेतून घरोघरी पोहोचलेली अंकिता आता पती विकी जैनबरोबर ‘बिग बॉस १७’ मध्ये सहभागी झाली आहे. विकी व अंकिताने धमाकेदार डान्स करत घरात एंट्री केली. घरात जाण्यापूर्वी सलमानने या दोघांचा सात वचन घ्यायला लावले.
अंकिता आणि विकीची शोमध्ये एंट्री झाल्यानंतर सलमान खानने त्यांचे स्वागत केले. यानंतर तो म्हणतो, ‘आम्ही तिला शोमध्ये येण्यासाठी अनेकदा संपर्क केला आणि शेवटी ती शोमध्ये आली.’ यावर अंकिताने मजेदार प्रतिक्रिया दिली. तसेच ती ‘बिग बॉस १७’ मध्ये कशी आली याचाही तिने खुलासा केला. ‘विकीने मला विकले अन् मी विकले गेले…’ असं ती म्हणाली. यावर सलमान म्हणाला, ‘ठीक आहे, म्हणजे विकीला यायचं होतं म्हणून तू त्याच्यासाठी आली आहेस.’
Bigg Boss 17 च्या मंचावर सलमान खानसमोरच एक्स जोडप्याचं कडाक्याचं भांडण, आरोप ऐकून अभिनेता म्हणाला…
याबरोबरच ग्रँड प्रीमियरमध्ये अंकिता लोखंडे आणि विकी जैन यांनी एकमेकांबद्दलच्या वाईट-चांगल्या गोष्टी सांगितल्या. दरम्यान, दोघांमध्ये जबरदस्त केमिस्ट्री पाहायला मिळाली. विकीची एक सवय अंकिताला अजिबात आवडत नाही की तो नव्या लोकांमध्येही पटकन मिसळतो.
‘बिग बॉस’च्या घरात येण्यापूर्वी सलमान खानने अंकिता आणि विकीला सात वचनं दिली. यामध्ये अंकिताच्या चुकांची बोलणी विकीला खावी लागणार, अंकिता थकली की विकी तिचे पाय दाबणार अशा मजेशीर वचनांचा समावेश होता. दरम्यान, हा शो प्रेक्षकांना कलर्स टीव्ही व जिओ सिनेमा अॅपवर पाहता येईल.
