“बाबा पहिल्यांदा मुंबईत आले तो क्षण…”, अंकिताची वडिलांसाठी भावुक पोस्ट; म्हणाली, “Bigg Boss मध्ये मला…”

अंकिता वालावलकर मूळची कोकणातली आहे. ‘बिग बॉस’च्या घरात देखील ती अनेकदा मालवणी भाषेत संवाद साधत होती. यंदाचा खेळ अंतिम टप्प्यात आलेला असताना घरात फॅमिली वीक टास्क पार पडला होता. यावेळी अंकिताचे बाबा पहिल्यांदाच आपल्या लेकीला भेटण्यासाठी मुंबईत आले होते.

आणखी वाचा

“चाळीतून वन रुम किचनमध्ये…”, ‘महाराष्ट्राची हास्यजत्रा’ फेम प्रसाद खांडेकरने बायकोसाठी केली खास पोस्ट; म्हणाला, “तुझ्या साथीने…”

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

“देवेंद्र फडणवीस मुख्यमंत्री होतात तेव्हा जातीय तणाव निर्माण करण्याचं षड्यंत्र…”- अमर साबळे

‘या’ बॉलीवूड अभिनेत्यामुळे जमलं ‘गजनी’ फेम असिनचं लग्न; तिचा पती म्हणाला, “ती खूप…”

नातवाच्या जन्मानंतर अमिताभ बच्चन मिठाई घेऊन आले अन्…, नाना पाटेकरांनी सांगितला किस्सा; ‘ती’ भेटवस्तू अजूनही ठेवलीये जपून

“तू मला आधी का नाही भेटलास?” म्हणत हृता दुर्गुळेने ‘या’ मराठी अभिनेत्याबरोबरचा फोटो केला शेअर

Sanjay Raut Brother : संजय राऊत यांच्या सख्ख्या भावाची पोस्ट चर्चेत; डिलिट करत म्हणाले, “मी..”

दीपिका-रणवीरची लेक झाली तीन महिन्यांची; आजी अंजू भवनानी यांनी नातीसाठी केली ‘ही’ गोष्ट, पाहा फोटो

‘कोकण हार्टेड गर्ल’ २०१६ च्या आसपास आपलं करिअर घडवण्यासाठी कोकणातून मुंबईत आली. यानंतर अनेकदा आग्रह करून देखील तिचे बाबा कधीच मुंबईत आले नव्हते. मात्र, आपल्या लेकीला ‘बिग बॉस’च्या घरात भेटण्यासाठी अंकिताचे बाबा यंदा पहिल्यांदाच मुंबईत आले होते. मुंबईत आल्यावर ते फक्त एक दिवस राहिले त्यानंतर पुन्हा कोकणात परतले.

हेही वाचा : रितेश देशमुख व जिनिलीयाच्या दोन्ही मुलांनी ‘असा’ साजरा केला दसरा, व्हिडीओ शेअर करत म्हणाली…

बाबा मुंबईत आल्यावर अंकिता ‘बिग बॉस’च्या घरात होती. त्यामुळे आपलं कौतुक करण्यासाठी आलेल्या वडिलांसाठी अंकिताने खास भावुक पोस्ट लिहिली आहे. अंकिता Bigg Boss च्या घरात असल्याने तिच्या बाबांचं स्वागत करण्यासाठी तिचा होणारा नवरा कुणाल भगत उपस्थित होता. याचा खास व्हिडीओ तिने इन्स्टाग्रामवर शेअर केला आहे.

अंकिताने वडिलांसाठी शेअर केली खास पोस्ट

अंकिता यात म्हणते, “माझे बाबा मुंबईत आले तो क्षण पाहण्यासाठी मी त्यांच्याबरोबर नव्हते. पण, त्यांनी मुंबई थोडीफार…त्यांना एका दिवसात जेवढं जमलं तेवढी पाहिली. त्यानंतर ते ‘बिग बॉस’च्या घरात आले. खरंच हा क्षण मी आयुष्यात विसरू शकणार नाही. Bigg Boss मध्ये मला व्होट मिळावेत यासाठी बाबा स्वत: प्रयत्न करत होते ही माझ्यासाठी खरंच आश्चर्याची गोष्ट होती. स्पर्धा परीक्षांमध्ये आपल्या मुली कायम पहिल्या याव्यात म्हणून बाबांनी घेतलेला अभ्यास मला यानिमित्ताने आठवला. हे सगळं मी कधीच विसरू शकणार नाही. अर्थात तुम्हा सर्वांच्या प्रेमामुळे मी हे दिवस बघू शकतेय…त्यामुळे तुम्हा सर्वांचे देखील मनापासून आभार.”

हेही वाचा : Ankita Walawalkar – सूर जुळले…! म्हणत कोकण हार्टेड गर्लने अखेर दाखवला होणाऱ्या पतीचा चेहरा, नावही आलं समोर

दरम्यान, नेटकऱ्यांनी या व्हिडीओवर कौतुकाचा वर्षाव करत अंकिता वालावलकर ( Ankita Walawalkar ) व तिच्या कुटुंबीयांच्या साधेपणाचं कौतुक केलं आहे.