‘बिग बॉस १६’ या शोमधील सर्वाधिक चर्चेत असणारी स्पर्धक म्हणजे अर्चना गौतम. घरातील इतर सदस्यांशी अर्चनाचा असलेला वाद-भांडण कायमच चर्चेत राहिलं. आताही अर्चनाने विकास मानकतबरोबर भांडण केलं आहे. यादरम्यानचा व्हिडीओ सध्या सोशल मीडियावर व्हायरल होत आहे. पण यावेळी अर्चनाने मात्र सगळ्या मर्यादा ओलांडल्या आहेत.
आणखी वाचा – नवऱ्याने केलेल्या अश्लील इशाऱ्यानंतर मानसी नाईकची पोस्ट, बोल्ड फोटो शेअर करत म्हणाली, “मला कमी लेखू नका”
नेमकं काय घडलं?
अर्चनाचा राग अनावर होताना प्रेक्षकांनी पाहिला आहे. पण यावेळी मात्र तिने इतरांना नुकसान पोहोचवण्याचा प्रयत्न केला आहे. अर्चना स्वयंपाक घरामध्ये जेवण बनवत असताना विकास तिथे येतो. तो त्याची चहा बनवण्यासाठी पाणी गरम करत ठेवतो. पण हे पाहून अर्चनाला मात्र राग अनावर होतो.
पाहा व्हिडीओ
विकासला यावेळी ती धक्का देते आणि म्हणते, “इथे चहा बनणार नाही.” अर्चना यावेळी रागात विकासने गॅसवर चहासाठी ठेवलेलं भांड खेचते. या भांड्यामध्ये असलेलं गरम पाणी विकासच्या अंगावर सांडतं. या वादादरम्यान तिथेच उभ्या असलेल्या प्रियांका चौधरीवरही गरम पाण्याचे काही थेंब उडतात.
“तू वेडी आहेस का?” असं अर्चनाला प्रियांका म्हणते. तर विकास रागामध्ये चहाचं भांड फेकून देतो. यावेळी शालीन भानोत त्याला पकडतो. पण अर्चनाची ही वागणूक पाहून सोशल मीडियाद्वारे तिला ट्रोल केलं जात आहे. आता येत्या विकेण्ड का वारमध्ये सलमान खान अर्चनाला धारेवर धरणार का? हे पाहावं लागेल.
