‘बिग बॉस हिंदी’च्या सोळाव्या पर्वाचा विजेता ठरल्यानंतर रॅपर एमसी स्टॅन सोशल मीडियावर चर्चेत आहे. सर्वाधिक मतं मिळवत स्टॅनने ‘बिग बॉस’ची ट्रॉफी नावावर केली. ‘बिग बॉस’चं विजेतेपद मिळाल्यानंतर स्टॅनच्या लोकप्रियतेत प्रचंड वाढ झाली आहे. स्टॅनच्या इन्स्टाग्रामवरचे फॉलोवर्सही पाच पटीने वाढले आहेत.
‘बिग बॉस हिंदी’चं विजेतेपजद मिळवल्यानंतर एमसी स्टॅनला विविध ब्रँडच्या ऑफरही मिळाल्या आहेत. तसंच त्याच्यावर बक्षिसांचाही वर्षाव झाला आहे. ‘बिग बॉस’च्या चमकणाऱ्या ट्रॉफीबरोबरच एमसी स्टॅनला ३१ लाख ८० हजार रुपये मिळाले. याशिवाय त्याला Hyundai Grand i10 Nios ही गाडीही भेट म्हणून देण्यात आली. याबरोबरच ‘बिग बॉस’च्या घरातील स्पर्धकांसह अनेक सेलिब्रिटींनी स्टॅनला खास भेटवस्तू दिल्या आहेत. याचा एक व्हिडीओही सोशल मीडियावर प्रचंड व्हायरल होत आहे.
हेही वाचा>> निमृत कौरबरोबरच्या रिलेशनशिपच्या चर्चांवर शिव ठाकरेने सोडलं मौन, म्हणाला “माझ्या हृदयात…”
एबीपी न्यूजने दिलेल्या वृत्तानुसार, सलमान खानने एमसी स्टॅनला ब्रेसलेट गिफ्ट म्हणून दिलं आहे. याची किंमत १५ लाख रुपये इतकी आहे. तर बादशाहने रॅपरला ५० लाख किमतीची सोन्याची चेन गिफ्ट केल्याची माहिती आहे. याशिवाय रोहित शेट्टीने स्टॅनला मिनी कूपर कार भेट म्हणून दिली आहे. याची किंमत ४५ लाखांच्या घरात आहे. अब्दू रोजिकने स्टॅनला सहा लाख किमतीचं घड्याळ दिलं आहे. तर साजिद खानने डायमंड चेन भेट म्हणून दिली आहे.
एमसी स्टॅनला त्याच्या गर्लफ्रेंडकडूनही खास गिफ्ट मिळालं आहे. मीडिया रिपोर्टनुसार, स्टॅनची गर्लफ्रेंड बुबाने त्याला ४५ लाखांची बीएमडब्ल्यू बाईक गिफ्ट म्हणून दिली आहे. ‘बिग बॉस’च्या पर्वाचा विजेता ठरल्यानंतर एमसी स्टॅन मालामाल झाला आहे.
