‘बिग बॉस’चे यंदाचे १७ वे पर्व सध्या चांगलेच चर्चेत आहे. ‘बिग बॉस’मधील प्रत्येक स्पर्धकाने आपल्या खेळीवर वेगळा चाहता वर्ग तयार केला आहे. स्पर्धकांच्या खेळीबरोबरच त्यांच्यातील वादांनीही प्रेक्षकांचे लक्ष वेधून घेतलं आहे. दरम्यान, बिग बॉसच्या प्रोमोचा एक नवा व्हिडीओ समोर आला आहे. या व्हिडीओमध्ये ‘बिग बॉस’ स्पर्धकांना दम देताना दिसत आहे.
‘बिग बॉस’ सर्व सदस्यांना घरातील आधीची दृश्ये दाखवताना दिसत आहेत. व्हिडीओमध्ये घरातील साफ-सफाई आणि नीटनेटक्या ठेवलेल्या वस्तू दिसत आहेत. हा व्हिडीओ दाखवून ‘बिग बॉस’ सगळ्या स्पर्धेकांना “हे कसे वाटले?” असे विचारतात. बिग बॉसच्या घराचे ते सुंदर दृश्य बघून स्पर्धेक आनंदी होतात. त्यानंतर बिग बॉस घराची सद्याची अवस्था दाखवतात. नंतरच्या व्हिडीओमध्ये घरातील पसारा, स्वयंपाकघरातील कचरा बघायला मिळत आहे.
घराची सद्यस्थिती दाखवल्यानंतर, ‘बिग बॉस’ म्हणतात की, “बिग बॉस’चं हे घर सुरुवातीला सौंदर्यासाठी चर्चेचा विषय होते. पण, आता ते घरातील अस्वच्छतेसाठी चर्चेचा विषय बनले आहे. हे बघून मला तुमच्या आरोग्याची काळजी वाटत आहे. मी तुम्हाला एक तासाचा वेळ देतो; या एक तासात घर स्वच्छ करा, नाहीतर मला साफसफाई करायला उतरावं लागेल आणि मी साफसफाई करायला लागलो तर घरातील स्पर्धकांची गर्दी कमी होईल.” ‘बिग बॉस’यांच्या या अल्टिमेटमनंतर घरातील सगळेच स्पर्धक साफसफाई करताना दिसत आहेत.
दरम्यान दिवसेंदिवस बिग बॉसच्या घऱात नवनवीन खुलासे होताना दिसत आहेत. काही दिवसांपूर्वीच अमृता लोखंडेने बिग बॉसच्या घरात प्रेग्नन्सी टेस्ट केली होती. या टेस्टमुळे अंकिता गरोदर असल्याची चर्चा सगळीकडे सुरु आहे. तर दुसरीकडे ड्रामा क्वीन राखी सावंत पती आदिल खानबरोबर बिग बॉसच्या घरात प्रवेश करणार असल्याचे सांगण्यात येत आहे. राखी व्यतिरिक्त भाविन भानुशाली आणि पूनम पांडे हे दोघं वाइल्ड कार्ड स्पर्धेक म्हणून शोमध्ये प्रवेश करणार असल्याची सुद्धा चर्चा सुरू आहे.
