Bigg Boss 17 Latest News/ Bigg Boss 17 Contestants List : टीव्हीवरील लोकप्रिय रिअॅलिटी शो 'बिग बॉस'चे १७ वे पर्व प्रेक्षकांच्या भेटीला आले आहे. मागच्या अनेक दिवसांपासून या शोची जोरदार चर्चा होती. यामध्ये कोणते स्पर्धक सहभागी होणार याबाबत चाहत्यांमध्येही उत्सुकता होती. सलमान खानच्या या शोचे रविवारी प्रिमिअर पार पडले. त्यानंतर अखेर १७ व्या पर्वातील स्पर्धकांची नावं समोर आली आहेत. यामध्ये अनेक लोकप्रिय चेहरे आपल्या एकाच घरात टीव्ही स्क्रीनवर पाहायला मिळतील. आयरा खानच्या सासूबाईंना पाहिलंत का? आमिर खानने केलं मराठमोळ्या विहीणबाईंचं कौतुक; म्हणाला, “प्रीतमजी…” यंदा 'बिग बॉस'च्या १७ पर्वात १७ स्पर्धक सहभागी झाले असून ते या घरात १०५ दिवसांसाठी राहतील. या पर्वात दोन जोडप्यांची देखील एंट्री झाली आहे. टीव्ही अभिनेत्री अंकिता लोखंडेने पती विकी जैनबरोबर शोमध्ये सहभाग घेतला आहे. याशिवाय कॉमेडियन व लॉक अप शोचा विजेता मुनव्वर फारुकीदेखील या पर्वात दिसणार आहे. इतकंच नाही तर ब्रेकअप झालेले दोन कलाकारदेखील शोमध्ये सहभागी झाले असून ग्रँड प्रिमिअरमध्येच त्यांचं भांडण झालं, जे सोडवायला सलमान खानला मध्यस्थी करावी लागली. https://www.instagram.com/reel/CybLDx8Npe6/?utm_source=ig_web_copy_link&igshid=MzRlODBiNWFlZA== 'बिग बॉस १७'मधील स्पर्धकांची यादी मन्नारा चोप्रा, मुनव्वर फारुकी, ऐश्वर्या शर्मा, नील भट, नवीद सोल, अनुराग डोभाल/बाबू भैया (मोटोव्लॉगर), सना रईस खान (वकील), जिग्ना व्होरा (एक्स क्राइम रिपोर्टर), अंकिता लोखंडे, विकी जैन, सोनिया बन्सल, खानजादी (फिरोजा खान), सनी आर्या (तहलका भाई), रिंकू धवन, अरुण माशेट्टी, अभिषेक कुमार आणि ईशा मालवीय हे 'बिग बॉस १७' मधील स्पर्धक आहेत. https://www.instagram.com/reel/CybQB6hyiJU/?utm_source=ig_web_copy_link&igshid=MzRlODBiNWFlZA== https://www.instagram.com/reel/CybdwKUNAhf/?utm_source=ig_web_copy_link&igshid=MzRlODBiNWFlZA== दरम्यान, 'बिग बॉस'च्या या पर्वात अनेक नवीन गोष्टी पाहायला मिळतील. प्रेक्षकांचे लक्ष वेधून घेण्यासाठी यंदा बरेच ट्विस्ट ठेवण्यात आले आहे. घर तीन विभागांमध्ये विभागले गेले आहे आणि ते 'दिल, दिमाग आणि दम' थीमवर आधारित आहे. हा शो प्रेक्षकांना कलर्स टीव्हीवर पाहता येईल. तसेच जिओ सिनेमा अॅप आणि वेबसाइटवर इथेही शोचे स्ट्रीमिंग केले जाईल.
