Bigg Boss 18: ‘बिग बॉस’च्या १८व्या पर्वातील घरात वातावरण सध्या फारच तापलं आहे. दोन ग्रुप पडले आहेत. ज्यामध्ये सातत्याने वाद होतं आहेत. ७ नोव्हेंबरच्या भागात नुसताच राडा पाहायला मिळाला. टाइम गॉडच्या टास्कदरम्यान जोरात वाद झाले. सारा अरफीन खानने विवियन डिसेना, ईशा सिंहवर वस्तू फेकून मारल्या. तर अविनाश मिश्राची थेट कॉलर पकडली. यावेळी विवियनच्या ग्रुपवर टीका करताना साराची जीभ घसरली. नेमकं काय घडलं? आणि एकता कपूर विवियनला काय म्हणाली? जाणून घ्या…
करणवीर मेहरा, रजत दलाल, श्रुतिका अर्जुन, दिग्विजय सिंह राठी, चाहत पांडे, सारा अरफीन खान हे टाइम गॉडसाठी उमेदवार होते. या सहा सदस्यांना टाइम गॉड होण्यासाठी टाइम ऑफ गॉड स्टाफ एका हाताने धरून ठेवायचा होता. दुसरा हात त्याला लावायला नव्हता. तसंच स्टाफ पकडून ठेवलेला हात उचलायचा नव्हता. यावेळी टाइम ऑफ गॉड स्टाफवरून हात सुटल्यामुळे सर्वात आधी चाहत, श्रुतिका बाद झाली. त्यानंतर स्टाफचा पुढचा भाग हातात तुटून आल्यामुळे रजत दलाल बाहेर झाला. याच वेळी साराने स्वतःचा हात दुसऱ्या ठिकाणी ठेवल्यामुळे तिला विवियनने बाद केलं. त्यामुळे साराचा पाराच चढला. त्यानंतर तिने घर डोक्यावर घेतलं.
‘बिग बॉस’ पक्षपाती असल्याचा आरोप करत साराने विवियनवर वस्तू फेकून मारली. त्यानंतर साराने ईशाचे केस खेचत तिला उशी फेकून मारली. शिवाय अविनाशला देखील मारल्याचं तो म्हणाला. यामुळे घरात राडाच झाला. पण यावेळी दुसऱ्या बाजूला टाइम गॉडचा टास्क सुरळीत सुरू होता. काही वेळानंतर दिग्विजय आणि करणकडून टाइफ ऑफ गॉड स्टाफ तुटला आणि अखेर पुन्हा एकदा विवियनकडे टाइम गॉडची जबाबदारी ‘बिग बॉस’ने दिली आहे. पण, आता वीकेंड वारला विवियनवर एकता कपूर भडकल्याचं दिसत आहे.
‘दी साबरमती रिपोर्ट’ चित्रपटाच्या प्रमोशननिमित्ताने एकता कपूरने शुक्रवारीचा वीकेंड वार होस्ट केला आहे. यावेळी तिने विवियनला चांगलंच झापलं. याचा प्रोमो सध्या व्हायरल झाला आहे. या प्रोमोमध्ये एकता विवियनला म्हणते की, विवियन मला एवढा तर हक्क आहे की, तुला लाँच केल्यानंतर मी स्वतः तुला प्रश्न विचारू शकते. तू ८-१० वर्ष काम केलं, मग काय झालं? घरातील सर्वांनी तुला डोक्यावर चढवलं पाहिजे? तेव्हा विवियन म्हणाला, “मी असं कधीच बोललो नाही.” यावर एकता म्हणाली की, या कामाचा गर्व तू कोणाला दाखवत आहेस? विवियन तू घरातील चर्चेतून पळ काढतो. जर तुला असंच करायचं आहे. तर मग तू ८ वर्षानंतर ‘बिग बॉस’मध्ये का आला?
दरम्यान, या पाचव्या आठवड्यात चाहत पांडे, सारा अरफीन खान, अरफीन खान, तजिंदर बग्गा हे चार सदस्य घराबाहेर जाण्यासाठी नॉमिनेट झाले आहेत. या चार सदस्यांमधून अरफीन खान एलिमिनेट झाल्याचं समोर आलं आहे.
