“जर तुम्ही सलमान खानला चॅलेंज दिले तर तुमचे करिअर…”, ‘बिग बॉस १८’फेम व्हायरल भाभीचे वक्तव्य चर्चेत; म्हणाली, “पण मी असा इतिहास…”

‘बिग बॉस १८’फेम व्हायरल भाभीचे वक्तव्य चर्चेत

हेमा शर्मा ही ‘बिग बॉस १८’मध्ये सहभागी झाली होती. मात्र, ती सध्या शोमधून बाहेर पडली आहे. आता तिने सलमान खानबद्दल वक्तव्य केलेला एक व्हिडीओ सोशल मीडियावर व्हायरल होताना दिसत आहे. फिल्मीज्ञान (Filmygyan) ने एक व्हिडीओ शेअर केला आहे. या व्हिडीओमध्ये ती म्हणते, “लोक असे बऱ्याचदा म्हणत असतात की सलमान खानला जर तुम्ही चॅलेंज दिले तर तुमचे करिअर बनू शकत नाही. मात्र, मी असा एक इतिहास तयार केला आहे की माझे करिअर असे होईल, जसे आजपर्यंत कोणाचे बनले असेल किंवा भविष्यात बनेल”, व्हिडीओच्या शेवटी ती बिग बॉस आणि सलमान खानला धन्यवाद म्हणताना दिसत आहे.

नेटकऱ्यांनी या व्हिडीओवर मोठ्या प्रमाणात कमेंट केल्याचे पाहायला मिळत आहे. “आधी करिअर बनव, मग इतिहास तयार कर”, “प्रसिद्ध होण्यासाठीसुद्धा तुला सलमान खानचे नाव घ्यावे लागत आहे”, अशा प्रकारच्या कमेंट केल्याचे पाहायला मिळत आहे.

हेमा शर्मा ही व्हायरल भाभी म्हणून सोशल मीडियावर प्रसिद्ध आहे. सोशल मीडियावर तिची मोठी फॅन फॉलोइंग आहे. ती तिच्या सोशल मीडियावरील कंटेंटसाठी लोकप्रिय आहे. याबरोबरच, हेमा शर्माने २०१८ मध्ये प्रदर्शित झालेल्या ‘यमला पगला दिवाना :फिर से’ या चित्रपटात भूमिका साकारली होती. ‘वन डे: जस्टिस डिलिव्हर्ड’ (One Day: Justice Delivered), ‘दबंग ३’ या चित्रपटांत तिने काम केले आहे. नुकतीच ती ‘बिग बॉस १८’मध्ये सहभागी झाल्याने मोठ्या प्रमाणात चर्चेत होती. याबरोबरच हेमा शर्मा ऊर्फ व्हायरल भाभी तिच्या वैयक्तिक आयुष्यावर केलेल्या वक्तव्यामुळेदेखील चर्चेत आहे.

हेही वाचा: “अशीच वेडी राहा…” म्हणत शिवानी सोनारने आईला ५०व्या वाढदिवसाच्या दिल्या हटके शुभेच्छा, होणारा नवरा अंबर गणपुळे कमेंट करत म्हणाला…

सलमान खान गेल्या काही दिवसांपासून बिश्नोई गँगने दिलेल्या धमक्यांमुळे मोठ्या प्रमाणात चर्चेत आहे. बिश्नोई गँगने त्याला जीवे मारण्याची धमकी दिली आहे, यामुळे त्याच्या सुरक्षेत वाढ करण्यात आली आहे.