Bigg Boss 18: हृतिक रोशनची लाइफ कोच सारा अरफीन खान भडकली, स्वतःला मारत म्हणाली, “दोन वेळा गर्भपात अन्… “

अविनाश मिश्रा ‘बिग बॉस’च्या घराबाहेर नाही तर जेलमध्ये गेला. महत्त्वाचं म्हणजे त्याला रेशन वाटपाचा अधिकार दिला. पण, अविनाश बदला घेण्याच्या हेतूने परत आल्यामुळे त्याने आपल्या गटात असलेल्या सदस्यांव्यतिरिक्त कोणालाही रेशन न देण्याचा निर्णय घेतला. त्यामुळे कॅप्टन असलेल्या अरफीन खानने घरात जेवणचं बनणार नाही, असं ठरवलं. तसंच किचनमधील ड्युटीची माणसंदेखील बदलली. यादरम्यान अरफीनच्या प्रोफेशनविषयी अविनाशने भाष्य केल्यामुळे पत्नी सारा खान भावुक झाली. सारा सतत स्वतःला मारताना दिसली. तसंच यावेळी तिने भावुक होतं, एक खासगी गोष्ट सांगितली.

हेही वाचा – “बिग बॉस मराठीला तू कलंक होतास”, घनःश्याम दरवडेचा ‘तो’ व्हिडीओ पाहून अभिनेत्रीची प्रतिक्रिया; म्हणाली…

सारा म्हणाली की, आम्ही असं एक काम करतो, जे लोकांच्या आयुष्यातील योगदान आहे. यामुळे आम्हाला स्वतःच्या वैयक्तिक आयुष्यात वेळ देता येत नाही. जेव्हा मला मुलं झाली तेव्हा अरफीनला लंडनहून भारतात यावं लागलं. कारण त्याचं सेमिनार होतं आणि ५००० हजार लोकांना त्याला हिंमत द्यायची होती. त्यामुळे आमचा तो क्षण जगायचा राहिला. लग्नाच्या १० वर्षांनंतर, दोन वेळा गर्भपात झाल्यानंतर आम्हाला जुळी मुलं झाली होती. पण मी अरफीनला जा म्हटलं. कारण लोक तुझ्यासाठी थांबली आहेत. मुलांचा जन्म हे त्याच्यासाठी स्वप्न होतं. आणि हे लोक प्रोफेशनवरून टार्गेट करतात. ‘बिग बॉस’देखील यावरून बोलतात. आमचं चुकलं, आम्ही अपयशी झालो, असं म्हणत साराने स्वतःला मारलं. साराच्या या बोलण्यावरून अरफीनला अश्रू अनावर झाले.

हेही वाचा – Video: लग्नानंतरचा राधिका मर्चंटचा पहिला वाढदिवस! अँटिलियामध्ये झालं जंगी सेलिब्रेशन, मात्र आकाश अंबानीने केक खाण्यास दिला नकार

दरम्यान, ‘बिग बॉस’च्या १८व्या पर्वात अरफीन खान आणि सारा अरफीन खान हे एकच कपल आहे. हे दोघं अनेक बॉलीवूड सेलिब्रिटींसह दिग्गज मंडळींचे लाइफ कोच आहेत. ‘बिग बॉस १८’मध्ये येण्याआधी हृतिक रोशनने स्वतः अरफीन आणि साराची ओळख करून दिली होती. दोघं हृतिक रोशनचे खूप चांगले मित्र आहेत.