Bigg Boss 18: ‘बिग बॉस’च्या १८व्या पर्वात दोन वाइल्ड कार्ड सदस्यांची एन्ट्री झाल्यापासून घरातील वातावरण बदललं आहे. दिग्विजय सिंह राठी आणि कशिश कपूर हे दोघं वाइल्ड कार्ड म्हणून ‘बिग बॉस’च्या स्पर्धेत सहभागी झाले आहेत. सध्या दोघं घरातील सगळ्या सदस्यांबरोबर चर्चा करत आहेत. कोणत्याही ग्रुपमध्ये सामील झालेले नाहीत. पण, सध्या विवियन डिसेनाच्या ग्रुपची खूप चर्चा सुरू आहे.
विवियन डिसेनाच्या ग्रुपमध्ये अविनाश मिश्रा, ईशा सिंह आणि एलिस कौशिक आहे. मुळात हा ग्रुप अविनाश, ईशा आणि एलिसचा होता. पण, काही काळानंतर विवियन त्यामध्ये सामील झाला. म्हणूनच सध्या विवियन आपल्या ग्रुपला फेव्हर करताना दिसत आहे. विवियनच्या ग्रुपचं सलमान खानसह, रवि किशनने कौतुक केलं आहे. मात्र, नेटकरी या ग्रुपला ट्रोल करत आहेत. ‘चुगली ग्रुप’ म्हणत आहेत. अशातच ४ नोव्हेंबरच्या भागात रजत दलालने विवियनच्या ग्रुपवर जबरदस्त शायरी केली. ज्याचा व्हिडीओ सध्या सोशल मीडियावर व्हायरल होतं आहे.
रजत दलालने आपल्या शायरीतून विवियन डिसेनाच्या ग्रुपला टोला लगावला आहे. रजत शायरी करत म्हणाला, “चार है लोग, सुबह करता है उनमें से एक योग… ना जाने कौनसा अनजाना है रोग, सोच रहे है एसे की लगे कामयाबी का भोग…पोपट है उनमें से एक, दुसरा बनता रहेता है केक… एक है बहुत भोली और दुसरी आज तक नही बोली.”
हेही वाचा – Video: मायरा वायकुळच्या चिमुकल्या भावावर झाले कर्णवेध संस्कार, पाहा व्हिडीओ
रजत दलालच्या या शायरीचा व्हिडीओ सध्या सोशल मीडियावर तुफान व्हायरल होतं आहे. रजतचं नेटकऱ्यांकडून कौतुक होतं आहे. एका नेटकऱ्याने लिहिलं की, चौघांना एकसाथ वाजवली. तर दुसऱ्या नेटकऱ्याने लिहिलं, “रजतने शेवट केला.” तसंच तिसऱ्या नेटकऱ्याने लिहिलं, “रजत भाई एक नंबर.”
