अशनीर ग्रोव्हरच्या ‘त्या’ वक्तव्यावर भडकला सलमान खान; विचारले खरमरीत प्रश्न

प्रोमोनुसार, बिग बॉसच्या घरात या ‘वीकेंड का वार’ मध्ये ‘इंडियन कन्फ्रंट कंपनी भारत पे’चे मॅनेजिंग डायरेक्टर व को-फाउंडर अशनीर ग्रोवर येणार आहेत. अशनीर ग्रोवरने याआधी सलमान खानबद्दल एक वक्तव्य केले होते. सलमान आता त्यावरून अशनीर ग्रोवरवर भडकला आहे. अशनीर ग्रोवरला प्रश्न विचारत सलमान खानने त्याची चांगलीच शाळा घेतली आहे.

हेही वाचा : ‘नवरी मिळे हिटलरला’ मालिकेतील अभिनेत्रीने शेअर केले बालपणीचे गोंडस फोटो; नेटकरी म्हणाले, “अशीच आयुष्यभर…”

प्रोमोमध्ये दिसत आहे की, सलमान खान अशनीर ग्रोवरला प्रश्न विचारतो, “तुमच्याविषयी मी ऐकलं आहे की, तुम्ही मला किती रुपयांसाठी साइन केलं आहे, असं तुम्ही सांगत होता. त्यात तुम्ही सायनिंगच्या किमतीसुद्धा चुकीच्या सांगितल्या होत्या. तर हा दुटप्पीपणा नेमका काय आहे” सलमान खानच्या या प्रश्नाला उत्तर देताना आपली बाजू सावरत अशनीर ग्रोवर म्हणाला, “जेव्हा तुम्हाला ब्रॅण्ड ॲम्बॅसेडर म्हणून घेतलं होतं तेव्हा मी आतापर्यंतचा सगळ्यात योग्य निर्णय घेतला आहे, असं मला वाटलं होतं.”

अशनीर ग्रोवरच्या या उत्तरावर सलमान खान म्हणतो, “आता तुम्ही नीट बोलत आहात. मात्र व्हिडीओमध्ये तुमचा अॅटिट्यूड फार वेगळा दिसतो आहे.” त्यावर स्पष्टीकरण देताना, “कदाचित पॉडकास्टमध्ये आवाज व्यवस्थित आला नसेल”, असं अशनीर ग्रोवर म्हणतो.

हेही वाचा : “एक पक्ष १५०० देतोय, दुसरा ३ हजार देणार, पण…”, निवडणुकीच्या पार्श्वभूमीवर गिरीश ओक यांनी विचारले दोन ‘भाबडे’ प्रश्न; पोस्ट चर्चेत

अशनीर नेमकं काय म्हणाला होता?

याआधीच्या एका पॉडकास्ट मुलाखतीमध्ये अशनीर ग्रोवरने सलमान खानबद्दल एका घटनेचा किस्सा सांगितला होता. त्यावेळी अशनीर, “एका स्पॉन्सर शोसाठी आम्ही सलमान खानला भेटलो होतो. त्यावेळी आम्ही त्याच्याबरोबर फोटो काढू शकणार नाही, असं त्याच्या मॅनेजरनं आम्हाला सांगितलं होतं. त्यावेळी मी म्हणालो की, ही कसली हीरोपंती आहे,” म्हणाला होता. याच वक्तव्यावरून सलमान आता बिग बॉसच्या घरात अशनीर ग्रोवरला प्रश्न विचारताना दिसणार आहे.