Bigg Boss 18: ‘बिग बॉस’च्या १८व्या पर्वाचा जसजसा महाअंतिम सोहळा जवळ येत आहे, तसा शो दिवसेंदिवस रंगदार होतं आहे. आता ‘बिग बॉस’च्या या पर्वाच्या १३व्या आठवड्याला सुरुवात झाली आहे आणि एकूण १० सदस्य बाकी राहिले आहेत. त्यामुळे सदस्यांमध्ये आणखी चुरस पाहायला मिळणार आहे. गेल्या आठवड्यात कोण घराबाहेर झालं? जाणून घ्या…
नुकताच वीकेंड वार पार पडला. हा वीकेंडचा वार खूप खास होता, कारण होस्ट सलमान खानचा वाढदिवस होता. यानिमित्ताने वीकेंड वारला घरात हटके खेळ पाहायला मिळाले. तसंच सदस्यांनी सलमानच्या वाढदिवसानिमित्ताने एक परफॉर्मन्स केला. सलमानाने वाढदिवस असला तरीही बऱ्याच सदस्यांना चांगलंच सुनावलं. गेल्या आठवड्यात झालेल्या अविनाश मिश्रा आणि कशिश कपूरच्या प्रकरणावरून सलमानाने ईशा सिंहची चांगलीच शाळा घेतली. शिवाय कशिश, रजतला सुनावलं. त्यानंतर घरातील एक सदस्य एविक्ट झाली. ती म्हणजे सारा अरफीन खान.
या आठवड्यात ईशा सिंह, कशिश कपूर, सारा अरफीन खान, अविनाश मिश्रा, विवियन डिसेना, चाहत पांडे आणि रजत दलाल घराबाहेर जाण्यासाठी नॉमिनेट झाले होते. यामधील चाहत पांडेला ‘टाइम गॉड’ चुम दरांगने विशेष अधिकाराचा वापर करून सुरक्षित केलं. त्यामुळे सहा सदस्यांवर घराबाहेर जाण्याची टांगती तलवार होती. अखेर प्रेक्षकांच्या कमी मतांमुळे सारा अरफीन खान घराबाहेर झाली. घराबाहेर येताच तिने कशिश कपूरमुळे एविक्ट झाल्याचा आरोप केला. तसंच ‘बिग बॉस’च्या १८व्या पर्वाचा विजेता रजत दलाल झाला पाहिजे अशी इच्छा व्यक्त केली.
हेही वाचा – उर्मिला कोठारे कार अपघाताप्रकरणी चालकाला अटक, अभिनेत्रीवर खासगी रुग्णालयात उपचार सुरू
‘बिग बॉस’च्या १८व्या पर्वात अरफीन खान आणि सारा खान हे एक कपल होतं. हे दोघं अनेक बॉलीवूड सेलिब्रिटींसह दिग्गज मंडळींचे लाइफ कोच आहेत. ‘बिग बॉस १८’मध्ये येण्याआधी बॉलीवूड अभिनेता हृतिक रोशनने स्वतः अरफीन आणि साराची ओळख करून दिली होती. अरफीन आणि साराचे हृतिक रोशनशी खूप जवळचे संबंध आहेत.
दरम्यान, ‘बिग बॉस’च्या १८व्या पर्वातील ११व्या आठवड्यात मिड वीक एविक्शन आणि डबल एविक्शन पाहायला मिळालं. मिड वीक एविक्शनमध्ये दिग्विजय सिंह राठी घराबाहेर झाला. त्यानंतर डबल एविक्शनमध्ये एडिन रोज, यामिनी मल्होत्रा बेघर झाल्या आणि आता सारा खान घराबाहेर झाली आहे.
