Bigg Boss 18: चौथ्या आठवड्यात ‘हा’ सदस्य झाला एलिमिनेट, घराबाहेर जाण्यापासून शिल्पा शिरोडकरसह सुरक्षित झाले ‘हे’ सहा सदस्य

चौथ्या आठवड्यातली नॉमिनेशन प्रक्रिया करंट देऊन झाली होती. म्हणजे ज्या सदस्याला नॉमिनेट केलं जाणार होतं, त्याला करंटचा झटका दिला गेला. नॉमिनेशन प्रक्रियेमध्ये पहिल्यांदा शहजादा कन्सेशन रूममध्ये गेला होता. शहजादाने एलिस आणि शिल्पा शिरोडकरला घराबाहेर जाण्यासाठी नॉमिनेट केलं. त्यानंतर प्रत्येक सदस्य कन्सेशन रूममध्ये जाऊन नॉमिनेट करत होता. यावेळी जेव्हा चुम दरांगला कन्सेशनरुममध्ये बोलावलं. तेव्हा चुमने जाण्याआधी नॉमिनेट करणाऱ्या सदस्यांची माफी मागितली. हेच ‘बिग बॉस’ला खटकलं. त्यामुळे ‘बिग बॉस’ने चुम दरांगकडून नॉमिनेट करण्याचा अधिकार परत घेतला. तिला कन्सेशनरूममध्ये जाताना रोखलं. यावेळी सर्व सदस्यांनी चुमला ‘बिग बॉस’ची माफी मागायला सांगितली. पण तिने माफी मागितली नाही. त्यानंतर पुढची नॉमिनेशन प्रक्रिया सुरळीत पार पडली.

हेही वाचा – Bigg Boss 18: दिवाळीच्या मुहूर्तावर ‘बिग बॉस’च्या घरात होणार मोठा धमाका! दोन दमदार वाइल्ड कार्डची होणार एन्ट्री

एकूण सात सदस्य नॉमिनेट केले गेले होते. अविनाश मिश्रा, ईशा सिंह, एलिस कौशिक, श्रुतिका अर्जुन, अरफीन खान, शिल्पा शिरोडकर आणि शहजादा या सदस्यांना बहुमताने नॉमिनेट केलं होतं. यापैकी शहजादा धामी घराबाहेर झाला आहे. तर शिल्पा शिरोडकरसह अविनाश मिश्रा, ईशा सिंह, एलिस कौशिक, श्रुतिका अर्जुन, अरफीन खान सुरक्षित झाले आहेत. याबाबतची माहिती ‘बिग बॉस तक’ या एक्स पेजवर देण्यात आली आहे.

हेही वाचा – Video: मायरा वायकुळच्या चिमुकल्या भावाचा दिवाळीचा पहिला दिवस ‘असा’ केला साजरा, पाहा व्हिडीओ

हेही वाचा – ठरलं! ‘आई कुठे काय करते’ मालिका लवकरच प्रेक्षकांचा घेणार निरोप, मिलिंद गवळी पोस्ट करत म्हणाले, “या प्रवासामध्ये…”

दरम्यान, ३१ ऑक्टोबरच्या भागात नवा ‘टाइम गॉड’ विवियन डिसेनाने रजत दलाल आणि श्रुतिकाला जेलमध्ये जेलमध्ये पाठवलं आहे. पण, ‘बिग बॉस’ने जेलमध्ये जाणाऱ्या सदस्यांच्या अधिकारात बदल केला आहे. याआधी जेलमध्ये असणाऱ्या दोन सदस्यांना रेशन वाटपाचा अधिकार देण्यात आला होता. पण, आता वेगळा अधिकार देण्यात आला आहे. रजत आणि श्रुतिकाला ‘बिग बॉस’ने दररोज घरात जेवणासाठी कोणते पदार्थ बनणार, हे ठरवण्याचा अधिकार दिला आहे.